September 14, 2021
September 14, 2021
ദോഹ: ജപ്പാനില്‍ നടക്കുന്ന ഏഷ്യന്‍ വോളിബാള്‍ ചാമ്പ്യൻഷിപ്പില്‍ ഇന്ത്യക്കെതിരെ ഖത്തറിന് കൂറ്റന്‍ ജയം. ഗ്രൂപ്പ് ‘എ’ മത്സരത്തില്‍ നേരിട്ടുള്ള മൂന്നു സെറ്റിനാണ് ഖത്തർ ഇന്ത്യയെ തോല്‍പിച്ചത്.
സ്കോര്‍: 25-22, 25-14, 25-20. അതെസമയം ഗ്രൂപ്പില്‍ തങ്ങളുടെ ആദ്യമത്സരത്തില്‍ ഖത്തര്‍ ജപ്പാനോട് (3-0) തോറ്റിരുന്നു. ഇന്ന് ബഹ്റിനെതിരെയാണ് മൂന്നാമത്തെ മത്സരം. നാലു ടീമുകള്‍ പങ്കെടുക്കുന്ന ഗ്രൂപ്പില്‍ നിന്നും ഒന്നാം സ്ഥാനക്കാര്‍ക്ക് നേരിട്ട് ക്വാര്‍ട്ടറില്‍ പ്രവേശിക്കാം.
ആദ്യമത്സരത്തിൽ നേരത്തെ ബഹ്‌റൈനോടും ഇന്ത്യ പരാജയം ഏറ്റുവാങ്ങിയിരുന്നു.
