February 08, 2022
February 08, 2022
ദോഹ : രാജ്യം ദേശീയ കായികദിനമാഘോഷിക്കുന്ന അവസരത്തിൽ യാത്രക്കാർക്ക് വമ്പൻ ഓഫറുകളുമായി ഖത്തർ എയർവേയ്‌സ്. ഈ മാസം ഏഴാം തിയ്യതി മുതൽ പതിനൊന്നാം തിയ്യതി വരെ ടിക്കറ്റെടുക്കുന്നവർക്കാണ് ഇളവുകൾ നേടാനുള്ള സുവർണ്ണാവസരം.
140 നഗരങ്ങളിലേക്കുമുള്ള പ്രീമിയം, ഇക്കോണമി ക്ലാസ് യാത്രകൾക്ക് ഇളവുകൾ ലഭിക്കും. നിരക്കിൽ 35 ശതമാനം വരെയാണ് വിലക്കുറവ് പ്രഖ്യാപിച്ചിട്ടുള്ളത്. 2022 ഒക്ടോബർ 31 വരെയാണ് ഈ ടിക്കറ്റുകളിൽ യാത്ര അനുവദിക്കുക. ഇതുകൂടാതെ, ഫെബ്രുവരി 7 മുതൽ 11 വരെ ടിക്കറ്റ് ബുക്ക് ചെയ്യുന്നവരിൽ നിന്നും നൂറിലധികം പേർക്ക് ലോകകപ്പിന്റെ ഉദ്ഘാടനമത്സരത്തിനുള്ള രണ്ട് ടിക്കറ്റുകളും ലഭിക്കും. ജിം അംഗത്വം , ഇഷ്ടപെട്ട കായികകേന്ദ്രത്തിലേക്ക് രണ്ട് സൗജന്യ ടിക്കറ്റുകൾ തുടങ്ങിയവയിൽ ഏതെങ്കിലും ഒന്നും ഭാഗ്യശാലികൾക്ക് ലഭിക്കും.
