September 15, 2022
September 15, 2022
ന്യൂസ്‌റൂം ബ്യുറോ
ദോഹ : പ്രവാസലോകത്തു നിന്നുള്ള ആദ്യത്തെ മലയാളം കവിതാലാപന റിയാലിറ്റി ഷോ "സംസ്‌കൃതി ആർദ്രനിലാവ് സീസൺ 5"ഇന്ന് മുതൽ കൈരളി ന്യൂസ് ചാനലിൽ സംപ്രേഷണം ആരംഭിക്കും. 14 എപ്പിസോഡുകളിലായി ദിവസവും രാത്രി ഖത്തർ സമയം 10 മണിമുതൽ ഈ പരിപാടി കാണാം.പുനഃസംപ്രേഷണം അടുത്ത ദിവസം ഉച്ചക്ക് 1.00 മണിക്ക്. കൈരളി ന്യൂസ് യുട്യൂബ് ചാനലിലും തത്സമയം പരിപാടി കാണാൻ കഴിയും.
മലയാളത്തിലെ പ്രിയകവിയും മലയാളം മിഷൻ ഡയറക്ടറുമായ മുരുകൻ കാട്ടാക്കട, മാധ്യമ പ്രവർത്തകനും കവിയും എഴുത്തുകാരനുമായ എം എസ് ബനേഷ്, യുവ കവികളിൽ ശ്രദ്ധേയനായ ശ്രീജിത്ത് അരിയല്ലൂർ എന്നിവർ വിധികർത്താക്കളായി എത്തുന്ന പരിപാടി പൂർണ്ണമായും ഖത്തറിലെ എസ് ഡി ലൈവ് സ്റ്റുഡിയോയിലാണ് ചിത്രീകരിച്ചത്. വിവിധ ഘട്ടങ്ങളിൽ നിന്നും തെരെഞ്ഞെടുക്കപ്പെട്ട പതിനൊന്നു മത്സരാർത്ഥികൾ മാറ്റുരക്കുന്ന സെമി ഫൈനൽ മത്സരങ്ങളും, തെരഞ്ഞെടുക്കപ്പെടുന്ന 6 പേർ മത്സരിക്കുന്ന ഫൈനൽ മത്സരങ്ങളുമാണ് അടുത്ത ദിവസങ്ങളിൽ സംപ്രേഷണം ചെയ്യുകയെന്ന് സംസ്‌കൃതി ഭാരവാഹികൾ വാർത്താക്കുറിപ്പിൽ അറിയിച്ചു .
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CnQu0Sm89HsFGubs4fWsFe എന്ന ലിങ്കിൽ ജോയിൻ ചെയ്യുക
