September 14, 2021
September 14, 2021
ദോഹ : ഖത്തറില്‍ മുഴുവന്‍ ഉല്‍പ്പന്നങ്ങളുടെയും വിൽപന നിരക്ക് അറബിയില്‍ പ്രദര്‍ശിപ്പിക്കണമെന്ന് നിർദേശം..നിയമം പാലിക്കാത്തവര്‍ക്കെതിരെ കടുത്ത ശിക്ഷാ നടപടികള്‍ സ്വകരിക്കുമെന്നും വാണിജ്യ മന്ത്രാലയം മുന്നറിയിപ്പ് നല്‍കി. ഖത്തറിലെ റീട്ടെയില്‍ ഔട്ട്‌ലറ്റുകള്‍, ഓണ്‍ലൈന്‍ ബിസിനസ് സ്ഥാപനങ്ങള്‍, ഗാര്‍ഹിക ബിസിനസുകള്‍ തുടങ്ങി വാണിജ്യ സ്ഥാപനങ്ങള്‍ക്കായാണ് മന്ത്രാലയത്തിന്റെ അറിയിപ്പ്.
വില്‍പ്പന്ക്ക് വെക്കുന്ന മുഴുവന്‍ ഉല്‍പ്പന്നങ്ങളുടെയും വില നിലവാരം അറബിയില്‍ പ്രദര്‍ശിപ്പിക്കണമെന്നത് ഉപഭോക്തൃ സംരക്ഷണവുമായി ബന്ധപ്പെട്ട് 2008 ല്‍ പുറത്തിറക്കിയ നിയമനുസരിച്ച്‌ നിര്‍ബന്ധമാക്കിയതാണ്. അതിനാല്‍ തന്നെ നിയമം കര്‍ശനമായി പാലിക്കാന്‍ വാണിജ്യ സ്ഥാപനങ്ങള്‍ ബാധ്യസ്ഥരാണ്. ഉപഭോക്താക്കള്‍ക്ക് എളുപ്പത്തില്‍ കാണാവുന്ന രീതിയില്‍ വ്യക്തതയോടെ വിലനിലവാരം പ്രദര്‍ശിപ്പിക്കണമെന്നാണ് നിർദേശം.
