April 05, 2021
April 05, 2021
ദോഹ :ഖത്തറിലെ പ്രാഥമികാരോഗ്യ കേന്ദ്രങ്ങളിൽ സൗജന്യ പി.സി.ആർ പരിശോധന നിര്‍ത്തലാക്കിയ സാഹചര്യത്തില്‍ ഇന്ത്യയിലേക്കുള്ള യാത്രക്കാരുടെ പി.സി.ആർ പരിശോധന ഒഴിവാക്കാന്‍ ഇന്ത്യൻ എംബസി അടിയന്തിരമായി ഇടപെടണമെന്ന് കെ എം സി സി ഖത്തര്‍ സംസ്ഥാന കമ്മിറ്റി ആവശ്യപ്പെട്ടു. സ്വകാര്യ മേഖലയില്‍ നിലവിൽ കുറഞ്ഞത് 400 റിയാല്‍ ആണ് പി.സി.ആർ പരിശോധനക്കായി ആവശ്യപ്പെടുന്നത്. .സാധാരണക്കാര്‍ക്ക് താങ്ങാവുന്നതിലുപ്പുറമാണ് ഈ ചാര്‍ജ് .
കൊറോണ പ്രതിരോധ വാക്സിന്‍ എടുത്തവരെ പി.സി.ആർ പരിശോധനയിൽ നിന്ന് ഒഴിവാക്കുന്നതിനും ആവശ്യമായ നടപടികൾ സ്വീകരിക്കണമെന്നും കെ എം സി സി സംസ്ഥാന കമ്മിറ്റി പ്രസ്താവനയിൽ ആവശ്യപ്പെട്ടു. ഇക്കാര്യത്തില്‍ ആവശ്യമില്ലാത്ത നിബന്ധനകൾ മുന്നോട്ടുവെക്കുന്ന വിമാനക്കമ്പനികളുമായും മറ്റു ബന്ധപ്പെട്ട അധികൃതരുമായും ഇതുമായി ബന്ധപ്പെട്ട ചർച്ച നടത്തുമെന്നും കെ എം സി സി ഭാരവാഹികള്‍ അറിയിച്ചു.
വേനലവധി തുടങ്ങാന്‍ പോകുന്ന ഈ വേളയില്‍ ഇക്കാര്യത്തില്‍ അടിയന്തിര നടപടികള്‍ ഉണ്ടാവണമെന്നും കെ.എം.സി.സി ആവശ്യപ്പെട്ടു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
