January 12, 2020
January 12, 2020
ദോഹ : അമേരിക്ക-ഇറാൻ സംഘർഷം തുടരുന്ന സാഹചര്യത്തിൽ ഖത്തർ അമീർ ഷെയ്ഖ് തമീം ബിൻ ഹമദ് അൽതാനി ഇറാൻ സന്ദർശിക്കുന്നു. ഇന്ന് രാവിലെ ഒമാനിൽ എത്തിയ അമീർ അവിടെ നിന്നും ഇറാനിലേക്ക് തിരിക്കും.
ഇറാൻ പ്രസിഡന്റ് ഹസൻ റൂഹാനിയുമായി കൂടിക്കാഴ്ച നടത്തുന്ന അമീർ ഇരു രാജ്യങ്ങൾക്കുമിടയിലെ പരസ്പര സഹകരണവും മേഖലയിലെ ഏറ്റവും പുതിയ സംഭവവികാസങ്ങളും ചർച്ച ചെയ്യും. കഴിഞ്ഞയാഴ്ച ഇറാൻ സൈനിക കമാൻഡർ ഖസ്സെം സുലൈമാനി വധിക്കപ്പെട്ടതിന് പിന്നാലെ ഖത്തർ വിദേശകാര്യ മന്ത്രി ഷെയ്ഖ് അബ്ദുൽ റഹ്മാൻ അൽതാനി തെഹ്‌റാൻ സന്ദർശിച്ചിരുന്നു.
