May 26, 2022
May 26, 2022
ദോഹ : ലോകകപ്പ് ഫുട്‍ബോൾ നടക്കുമ്പോൾ നാല് ഗൾഫ് രാജ്യങ്ങളിലേക്ക് ഖത്തർ എയർവെയ്‌സ് ഷട്ടിൽ സർവീസ് നടത്തുമെന്ന് കമ്പനി സിഇഒ അക്ബർ അൽ ബേക്കർ പറഞ്ഞു.ഗൾഫിലെ നാല് വിമാനക്കമ്പനികളുമായി ചേർന്നാണ് സർവീസ് നടത്തുക.
കുവൈത്ത് എയർവെയ്‌സ്, ഒമാൻ എയർ, ഫ്‌ളൈ ദുബായ്, സൗദിയ എന്നീ അയർലൈനുകളുമായി ചേർന്ന് ദുബായ്, മസ്കത്ത്, കുവൈത്ത് സിറ്റി, ജിദ്ദ, റിയാദ് എന്നീ നഗരങ്ങളിൽ നിന്ന് ലോക കപ്പ് ടിക്കറ്റ് എടുത്ത ആരാധകർക്കായി ദിവസേന ഷട്ടിൽ സർവീസ് ഉണ്ടായിരിക്കുമെന്ന് അദ്ദേഹം വ്യക്തമാക്കി.ഇത്തിഹാദും എയർ അറേബ്യയും ഗ്രൂപ്പിൽ ചേരാൻ സാധ്യതയുണ്ടെന്ന് അക്ബർ അൽ ബാക്കർ പറഞ്ഞു.
ഫ്ലൈ ദുബായ് ഒരു ദിവസം 60 സർവീസുകളിലായി ഒരു ദിവസം 2,700 കാണികളെ ദോഹയിൽ എത്തിക്കും. കുവൈത്ത് എയർവെയ്‌സ് ദിവസേന 20 ഫ്ലൈറ്റുകളും ഒമാൻ എയർ 48 ഫ്ലൈറ്റുകളും സൗദിയ 60 ഫ്ലൈറ്റുകളും ദിവസേന ഓപ്പറേറ്റ് ചെയ്യും.
മാച്ചുകളുടെ സമയത്തിനനുസരിച്ച് ഫ്ലൈറ്റുകളുടെ സമയം ക്രമീകരിക്കുമെന്നും ലഗ്ഗേജ് ഇല്ലെങ്കിൽ യാത്ര കൂടുതൽ സുഖകരമാകുമെന്നും അൽ ബാക്കർ പറഞ്ഞു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
