Breaking News
സൗദി അറേബ്യയില്‍ കടുത്ത ചൂട് നിയന്ത്രിക്കാന്‍ ക്ലൗഡ് സീഡിംഗ് നടത്തുമെന്ന് റിപ്പോര്‍ട്ട് | മലപ്പുറം പുളിക്കല്‍ സ്വദേശി റിയാദില്‍ നിര്യാതനായി  | അമ്പതിന്റെ നിറവിൽ ഖത്തർ എം.ഇ.എസ് ഇന്ത്യൻ സ്‌കൂൾ,ആഘോഷ പരിപാടികൾ ഒരു വർഷം നീണ്ടുനിൽക്കും  | ഒമാനില്‍ ചൂതാട്ടം നടത്തിയ പ്രാവസി സംഘം പിടിയിലായി | പെരുമ്പാവൂര്‍ ജിഷ കേസില്‍ പ്രതി കഴുമരത്തിലേക്ക്; വധശിക്ഷ ഹൈക്കോടതി ശരിവെച്ചു | ഖത്തറില്‍ പകല്‍സമയത്ത് താപനില ഉയരാന്‍ സാധ്യത | ഇറാന്‍ പ്രസിഡന്റിന്റെ മരണത്തില്‍ ഖത്തര്‍ അമീര്‍ അനുശോചിച്ചു | സൗദിയില്‍ ചില വാഹനങ്ങളുടെ ഇറക്കുമതി താല്‍ക്കാലികമായി നിരോധിച്ചു | പ്രസിഡന്റും വിദേശകാര്യമന്ത്രിയും കൊല്ലപ്പെട്ട ഇറാനിൽ മുഹമ്മദ് മൊഖ്ബർ താൽക്കാലിക പ്രസിഡന്റാവും | ഇറാൻ പ്രസിഡന്റ് ഇബ്രാഹിം റെയ്‌സി ഹെലികോപ്റ്റർ അപകടത്തിൽ കൊല്ലപ്പെട്ടു |
'കർണ്ണാടകയിലെ ഹിജാബ് നിരോധനം മതസ്വാതന്ത്ര്യത്തിന് മേലുള്ള കടന്നുകയറ്റം', അമേരിക്കയിലും പ്രതിഷേധം ശക്തം

February 12, 2022

February 12, 2022

ന്യൂയോർക്ക് : വിദ്യാർത്ഥികൾ ഹിജാബ് ധരിക്കുന്നതിന് വിലക്കേർപ്പെടുത്തിയ കർണ്ണാടക സർക്കാറിന്റെ തീരുമാനത്തിനെതിരെ അമേരിക്കയിലും പ്രതിഷേധമുയരുന്നു. മതസ്വാതന്ത്ര്യത്തിനുള്ള അന്തരാഷ്ട്ര സംഘടനയായ ഐ.ആർ.എഫ് ആണ് അമേരിക്കയിൽ പ്രതിഷേധമുയർത്തിയത്. വനിതകളെയും പെൺകുട്ടികളെയും അരികുവത്കരിക്കാനുള്ള നയമാണിതെന്നും ഐ.ആർ.എഫ് ആരോപിച്ചു. നേരത്തേ ഖത്തറിലും കർണാടകയിലെ പുതിയ നിയമത്തിനെതിരെ പ്രതിഷേധപരിപാടികൾ നടന്നിരുന്നു. 

'ഒരു മതത്തിൽ വിശ്വസിക്കുന്ന വ്യക്തിക്ക് ആ മതം അനുശാസിക്കുന്ന വസ്ത്രരീതി പിന്തുടരാനുള്ള അവകാശമുണ്ട്. അതിനെ ഹനിക്കാൻ കർണാടക ഗവണ്മെന്റ് ശ്രമിക്കരുത്'- ഐ.ആർ. എഫ് അംബാസിഡറായ റഷാദ് ഹുസൈൻ ട്വിറ്ററിൽ കുറിച്ചു. ഇടക്കാല ഉത്തരവിലൂടെ കർണ്ണാടക ഹൈക്കോടതിയും ഹിജാബ് വിലക്കിനെ ന്യായീകരിച്ചു രംഗത്തെത്തിയിരുന്നു. വിഷയം പഠിക്കാൻ കൂടുതൽ സമയം വേണമെന്നും മൂന്നംഗ ബെഞ്ച് കോടതിയിൽ വാദിച്ചു. ക്രമസമാധാന പ്രശ്നങ്ങളെ തുടർന്ന് ഫെബ്രുവരി 8 മുതൽ അടച്ചിട്ട കർണാടകയിലെ വിദ്യാഭ്യാസ സ്ഥാപനങ്ങൾ ഫെബ്രുവരി 14 നാണ് വീണ്ടും തുറക്കുക. അന്തിമ വിധി വരുന്നത് വരെ ഹിജാബ് ധരിക്കരുതെന്നാണ് കോടതിയുടെ നിർദേശം.


Latest Related News