January 22, 2022
January 22, 2022
ദോഹ : കുട്ടികൾക്കായി പ്രത്യേക ഫോട്ടോഗ്രഫി മത്സരവുമായി മുഷെയ്രിബ് മ്യൂസിയം. അന്താരാഷ്ട്ര തൊഴിലാളി സംഘടനയുമായി കൈകോർത്ത് നടത്തുന്ന മത്സരത്തിൽ 14 മുതൽ 18 വയസുവരെ പ്രായമുള്ള കുട്ടികൾക്ക് പങ്കെടുക്കാം. ഒന്നാമതെത്തുന്ന കുട്ടിക്ക് 3000 റിയാലാണ് സമ്മാനമായി ലഭിക്കുക.
രണ്ട് മൂന്ന് സ്ഥാനങ്ങളിൽ എത്തുന്നവർക്ക് യഥാക്രമം 2000, 1000 റിയാലും ലഭിക്കും. ഇൻസ്റ്റ ഗ്രാം അക്കൗണ്ടിൽ #IamAware2022 എന്ന ഹാഷ് ടാഗോടെ പ്രസിദ്ധീകരിക്കുന്ന ചിത്രങ്ങളാണ് മത്സരത്തിന് പരിഗണിക്കുക. "സ്വാതന്ത്ര്യം" എന്ന ആശയത്തോട് നീതിപുലർത്തുന്ന ചിത്രങ്ങളാണ് മത്സരത്തിനായി പോസ്റ്റ് ചെയ്യേണ്ടത്. ഫെബ്രുവരി 2 വരെ നീളുന്ന 'ആർട്ട് ഓഫ് ഫ്രീഡം' എന്ന പ്രദർശനത്തോട് അനുബന്ധിച്ചാണ് മത്സരം സംഘടിപ്പിക്കുന്നത്. ജനുവരി 31 മുൻപ് അപ്‌ലോഡ് ചെയ്യപ്പെടുന്ന ചിത്രങ്ങളെയാണ് പരിഗണിക്കുകയെന്ന് സംഘാടകർ അറിയിച്ചു.
