December 29, 2018
December 29, 2018
ദോഹ: പേൾ റൗണ്ട് എബൗട്ട് സിഗ്നൽ നിയന്ത്രിത ഇന്റർസെക്ഷനാക്കി മാറ്റി പണിയുന്നു. നിലവിലുള്ള ചിപ്പി ശിൽപം അൽവക്ര സൂഖിൽ മാറ്റി സ്ഥാപിക്കുമെന്നും പൊതുമരാമത്ത് വിഭാഗമായ അഷ്‌ഗാൽ അറിയിച്ചു. അടുത്ത വർഷം ആദ്യത്തോടെ റോഡ് വികസന പ്രവർത്തനങ്ങൾ ആരംഭിക്കുമെന്നും ജൂണോടെ നിർമാണം പൂർത്തിയാക്കുമെന്നും സെൻട്രൽ മുനിസിപ്പൽ കൗൺസിലർ മൻസൂർ ബിൻ മുഹമ്മദ് ബിൻ യൂസുഫ് അൽ ഖദീർ പറഞ്ഞു. അൽ ജബൽ മേഖലയിൽ പേൾ റൗണ്ട് എബൗട്ട് മുതൽ ഉരീദു റൗണ്ട് എബൗട് വരെയാണ് റോഡ് വികസിപ്പിക്കുന്നത്. സ്‌പെഷൽ എഞ്ചിനിയറിങ് ഓഫീസുമായി ചേർന്നാണ് നിർമാണ ജോലികൾ.
അൽ വക്രയുടെ മുഖമുദ്രകളിൽ ഒന്നായ ചിപ്പി ശിൽപം നശിപ്പിക്കാതെ അൽ വക്ര ബീച്ചിലേക്ക് മാറ്റി സ്ഥാപിക്കണമെന്ന് നിരവധി പേർ ട്വിറ്റർ വഴി ആവശ്യപ്പെട്ടിരുന്നു. ഇതേത്തുടർന്നാണ് ശിൽപം അൽ വക്ര സൂഖ് വാഖിഫിന് മാറ്റാൻ തീരുമാനിച്ചത്. റോഡ് വികസന പദ്ധതികളുടെ ഭാഗമായി കഴിഞ്ഞ രണ്ടു വർഷത്തിനിടെ സ്പോർട്സ് റൗണ്ട് എബൗട്ട്, പാരച്യൂട്ട് റൗണ്ട് എബോട്ട്, ടി.വി റൗണ്ട് എബൗട്ട് എന്നിവ ഇന്റർസെക്ഷനുകളാക്കി മാറ്റിയിരുന്നു.
