March 25, 2022
March 25, 2022
ദോഹ : ഖത്തറിലെ ഇന്ത്യൻ പ്രവാസി കൂട്ടായ്മകൾ, ഖത്തർ സാംസ്‌കാരിക മന്ത്രാലയത്തിന്റെയും, ഇന്ത്യൻ എംബസിയുടെയും സഹകരണത്തോടെ അണിയിച്ചൊരുക്കുന്ന 'പാസേജ് ടു ഇന്ത്യ' പരിപാടിക്ക് വർണ്ണാഭമായ തുടക്കം. മ്യൂസിയം ഓഫ് ഇസ്ലാമിക് ആർട്ട് പാർക്ക് (മിയ പാർക്ക്) ആണ് പരിപാടിക്ക് വേദിയാവുന്ന. ഇന്ത്യൻ സംസ്കാരത്തിന്റെ വൈവിദ്ധ്യം വിളിച്ചോതുന്ന നിരവധി പരിപാടികൾ വേദിയിലരങ്ങേറും.
ഇന്ത്യൻ സ്വാതന്ത്ര്യദിനത്തിന്റെ 75 ആം വാർഷികവുമായി ബന്ധപ്പെട്ടാണ് ഇത്തവണ സാംസ്കാരികോത്സവം നടക്കുന്നത്. ഇന്ത്യൻ വിദേശകാര്യസെക്രട്ടറി ഹർഷ് വർദ്ധൻ ശ്രിങ്ക്ള ആണ് ഉത്സവം ഉദ്ഘാടനം ചെയ്തത്. ഇന്ത്യൻ അംബാസിഡർ ദീപക് മിത്തൽ, ഐ.സി.സി പ്രസിഡന്റ് പി.എൻ.ബാബുരാജൻ എന്നിവരും ചടങ്ങിൽ സന്നിഹിതരായി. കേന്ദ്രവിദേശകാര്യസഹമന്ത്രി വി.മുരളീധരൻ വീഡിയോ കോൺഫറൻസിലൂടെ പരിപാടിക്ക് ആശംസകൾ നേർന്നു. പാസേജ് ടു ഇന്ത്യയുടെ ഭാഗമായി വിവിധസ്റ്റാളുകളും മിയ പാർക്കിൽ ഒരുക്കിയിട്ടുണ്ട്. മേള കാണാൻ എത്തുന്നവർക്ക് ഫാമിലി ഫുഡ് സെന്ററിന്റെ പാർക്കിങ് പ്രദേശത്ത് നിന്നും സൗജന്യവാഹനസൗകര്യം ഒരുക്കിയിട്ടുണ്ട്. ഉച്ചയ്ക്ക് രണ്ട് മണി മുതൽ രാത്രി 11 മണിവരെയാണ് പരിപാടി. പ്രവേശനം സൗജന്യമാണ്.
