November 06, 2019
November 06, 2019
ദോഹ: ഖലീഫ അവന്യുവിലെ ബനീ ഹജര്‍ ഇന്റര്‍ചേഞ്ചില്‍ അശ്ഗാല്‍ ഗതാഗത നിയന്ത്രണം ഏര്‍പ്പെടുത്തി. ദുഖാനില്‍ നിന്ന് ദോഹയിലേക്കുള്ള ഒരു കി.മീറ്റര്‍ സര്‍വീസ് റോഡും ദുഖാനില്‍ നിന്ന് ബനീ ഹജറിലേക്കും തിരിച്ചുമുള്ള രണ്ട് ഇടറോഡുകളുമാണ് അടക്കുന്നത്. ഈ മാസം 8 മുതല്‍ 10 വരെയും 15 മുതല്‍ 17 വരെയുമാണു ഗതാഗത നിയന്ത്രണം. ഖലീഫ അവന്യു പ്രൊജക്ടിന്റെ ഭാഗമായാണ് ഗതാഗത നിയന്ത്രണം ഏര്‍പ്പെടുത്തുന്നത്. ഈ സമയത്ത് ഇതുവഴിയുള്ള സഞ്ചാരത്തിനായി ബദല്‍ പാതകള്‍ ഒരുക്കുമെന്നും അധികൃതര്‍ അറിയിച്ചിട്ടുണ്ട്.
സര്‍വീസ് റോഡ് വഴി ദുഖാനില്‍ നിന്ന് ബനീ ഹജറിലേക്കു പോകുന്നവര്‍ ഗറാഫ റയ്യാന്‍ ഇന്റര്‍ചേഞ്ചിലേക്കുള്ള ദുഖാന്‍ റോഡ് വഴി നേരെ സഞ്ചരിച്ച് ബനീ ഹജറിലേക്ക് യൂടേണെടുത്തു പോകുക.
ബനീ ഹജറില്‍ നിന്ന് അല്‍ഷഹാമ സ്ട്രീറ്റ് വഴി ദോഹയിലേക്കു പോകുന്നവര്‍ അല്‍വജ്ബ ഇന്റര്‍ചേഞ്ചിലേക്കുള്ള ഫ്രീറൈറ്റ് എക്‌സിറ്റ് വഴി മുന്നോട്ടുപോയി ദോഹയിലേക്ക് യുടേണെടുത്ത് പോകാം.
