November 27, 2021
November 27, 2021
ന്യൂയോർക്ക് : കൊറോണവൈറസിന്റെ പുതിയ വകഭേദമായ ഒമിക്രോണിന്റെ വരവോടെ അന്താരാഷ്ട്രഎണ്ണവിലയിൽ വൻ തകർച്ച. 2020 ഏപ്രിലിന് ശേഷം ഇതാദ്യമായാണ് ഒരുദിവസം കൊണ്ട് പത്തോളം ഡോളറിന്റെ വിലയിടിച്ചിൽ ഉണ്ടായത്. വിമാനസർവീസുകൾ നിർത്തിവെക്കപ്പെടുമെന്നും, അതുവഴി എണ്ണയ്ക്കുള്ള ഡിമാന്റ് കുറയുമെന്നും നിക്ഷേപകർ ഭയന്നതാണ് വിലയിടിവിന് കാരണം.
ദക്ഷിണാഫ്രിക്കയിൽ പുതിയ വൈറസിനെ കണ്ടെത്തിയതിന് പിന്നാലെ അറബ് രാജ്യങ്ങളും അമേരിക്ക, കാനഡ, ബ്രിട്ടൻ തുടങ്ങിയ രാജ്യങ്ങളും യാത്രാവിലക്കുകൾ ഏർപ്പെടുത്തിയിരുന്നു. അമേരിക്കൻ മാർക്കറ്റിലും, അന്താരാഷ്ട്രമാർക്കറ്റിലും എണ്ണവിലയിൽ പത്തോളം ഡോളറിന്റെ വിലയിടിവാണ് രേഖപ്പെടുത്തിയത്. ഒരു ബാരൽ ബ്രെന്റ് ക്രൂഡ് ഓയിലിന് നിലവിൽ 72.72 ഡോളറാണ് വില.
