February 11, 2022
February 11, 2022
ദോഹ : ഖത്തറിലെ വിദ്യാർത്ഥികൾ ഓരോ ആഴ്ച്ചയും ആന്റിജൻ പരിശോധന നടത്തണമെന്ന നിബന്ധനയിൽ ഉന്നത വിദ്യാഭ്യാസ മന്ത്രാലയം ഇളവുകൾ പ്രഖ്യാപിച്ചു. കോവിഡ് രോഗത്തിൽ നിന്നും മുക്തരായ വിദ്യാർത്ഥികളും, വാക്സിനേഷൻ പ്രക്രിയ പൂർത്തിയാക്കിയ വിദ്യാർത്ഥികളും ഇനി മുതൽ ഓരോ ആഴ്ചയും പരിശോധന നടത്തേണ്ടതില്ല. ഫെബ്രുവരി 20 മുതൽ ഖത്തറിലെ സ്കൂളുകൾ കോവിഡിന് മുൻപുള്ള സാധാരണ സമയക്രമം അനുസരിച്ച് പ്രവർത്തിക്കുമെന്നും മന്ത്രാലയം വ്യക്തമാക്കി.
വാക്സിൻ എടുത്ത കുട്ടികളും, കോവിഡിൽ നിന്ന് മുക്തരായവരും വാക്സിനേഷൻ പൂർത്തിയാക്കിയ സർട്ടിഫിക്കറ്റോ, കോവിഡിൽ നിന്നും മുക്തരായതിന്റെ സർട്ടിഫിക്കറ്റോ കയ്യിൽ കരുതണം. രക്ഷിതാക്കളും വിദ്യാർത്ഥികളും കോവിഡ് സുരക്ഷാ മാനദണ്ഡങ്ങൾ കൃത്യമായി പാലിക്കണമെന്നും മന്ത്രാലയം ഓർമിപ്പിച്ചു. ഗവണ്മെന്റ് സ്കൂളുകളിലെ വിദ്യാർത്ഥികൾക്കുള്ള കോവിഡ് പരിശോധന കിറ്റ് സ്കൂളുകൾ വഴി വിതരണം ചെയ്യും.
