June 21, 2021
June 21, 2021
ദോഹ: തിങ്കളാഴ്ച ആരംഭിക്കുന്ന ഖത്തര്‍ സാമ്പത്തിക ഫോറത്തിൽ ഇന്ത്യയില്‍നിന്നും മുകേഷ് അംബാനിയും റ്റാറ്റ സണ്‍സ് ചെയര്‍മാന്‍ നടരാജന്‍ ചന്ദ്രശേഖരനും പങ്കെടുക്കും.മൂന്നു ദിവസമായി നടക്കുന്ന ഫോറം സെഷനുകളില്‍ 2000ലധികം പ്രതിനിധികളാണ് സംബന്ധിക്കുന്നത്. ഗവണ്‍മെന്റ് ലീഡേഴ്‌സ്, ചീഫ് എക്‌സിക്യുട്ടീവ്‌സ്, ഇകണോമിക്സ്. ഫിനാന്‍സ്, ഇന്‍വെസ്റ്റ്‌മെന്റ്, ടെക്‌നോളജി, എനര്‍ജി, എജുക്കേഷന്‍, സ്‌പോര്‍ട്‌സ്, കാലാവസ്ഥ തുടങ്ങിയ മേഖലകളിലെ ആസൂത്രകരും സ്വാധീനം ചെലുത്താവുന്ന വ്യക്തിത്വങ്ങളും ഫോറത്തിൽ സംബന്ധിക്കും. വിര്‍ച്വലായിനടക്കുന്ന ഫോറം അമീര്‍ ശൈഖ് തമീം ബിന്‍ ഹമദ് അല്‍ താനി ഉദ്ഘാടനം ചെയ്യും.
21, 22, 23 തിയതികളിലാണ് ഫോറം നടക്കുന്നത്. ബ്ലൂംബര്‍ഗാണ് പ്രായോജകര്‍. ഉദ്ഘാടന സംഗമത്തില്‍ ഘാന പ്രസിഡന്റ്, ഗ്രേറ്റ് ബ്രിട്ടന്‍-നോര്‍തേന്‍ അയര്‍ലണ്ട് പ്രധാനമന്ത്രി, റുവാണ്ട പ്രസിഡന്റ്, സൗത്ത് ആഫ്രിക്കന്‍ പ്രസിഡന്റ്, സെനഗല്‍ പ്രസിഡന്റ്, അര്‍മേനിയന്‍ പ്രസിഡന്റ് തുടങ്ങിയ ലോകനേതാക്കള്‍ സംബന്ധിക്കും.
ബ്ലൂംബര്‍ഗ് ചാനലില്‍ ഫോറം ചര്‍ച്ചകളുടെ തത്സമയം സംപ്രേഷണം കാണാനാകും.
