December 08, 2021
December 08, 2021
ദോഹ : കോവിഡിന്റെ വകഭേദമായ ഒമിക്രോൺ ലോകത്തിന്റെ വിവിധ ഭാഗങ്ങളിൽ സ്ഥിരീകരിച്ചതിനു പിന്നാലെ ഖത്തറിൽ നിന്ന് പുറത്തേക്ക് പോകുന്നവർക്കും രാജ്യത്തേക്ക് തിരിച്ചെത്തുന്നവർക്കുമുള്ള യാത്രാ നിബന്ധനകളിൽ മാറ്റം വരുത്തിയെന്ന തരത്തിൽ സമൂഹമാധ്യമങ്ങളിൽ വ്യാജ വാർത്തകൾ പ്രചരിക്കുന്നു.ഇന്ത്യക്കാർ ഉൾപ്പെടെ രാജ്യത്തേക്ക് വരുന്നവർക്കുള്ള കൊറന്റൈൻ ദിനങ്ങൾ നീട്ടിയെന്ന തരത്തിൽ നേരത്തെ നിരവധി വാർത്തകൾ പ്രചരിച്ചിരുന്നു.ഒമിക്രോൺ സ്ഥിരീകരിച്ച ചില ആഫ്രിക്കൻ രാജ്യങ്ങളെ കൂടി അപകട സാധ്യത കൂടിയ രാജ്യങ്ങളുടെ പട്ടികയിൽ ഉൾപ്പെടുത്തിയ പശ്ചാത്തലത്തിലാണ് സ്ഥിരീകരണമില്ലാത്ത ഇത്തരം വാർത്തകൾ പലരും സമൂഹ മാധ്യമങ്ങൾ വഴി പങ്കുവെച്ചത്.ഖത്തറിലേക്ക് തിരിച്ചു വരാനിരുന്ന മലയാളികളിൽ ഉൾപെടെ ഇത് വലിയ ആശങ്കകൾക്ക് ഇടയാക്കിയിരുന്നു.
ഖത്തറിലേക്ക് വരുന്ന കുട്ടികൾക്ക് വാക്സിനേഷൻ നിർബന്ധമാണോ? വിശദമായി മനസിലാക്കാം
ഖത്തറിലേക്കുള്ള യാത്രാ മാനദണ്ഡങ്ങളിൽ മാറ്റം വരുത്തിയെന്ന തരത്തിൽ സമൂഹമാധ്യമങ്ങളിൽ പ്രചരിക്കുന്ന വാർത്തകൾ അടിസ്ഥാനരഹിതമാണെന്ന് തൊഴിൽ മന്ത്രാലയം ട്വിറ്ററിൽ അറിയിച്ചു.വാർത്തകൾക്ക് വിശ്വസനീയ സ്രോതസ്സുകളെ മാത്രം ആശ്രയിക്കണമെന്നും മന്ത്രാലയം ഓർമിപ്പിച്ചു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
