September 10, 2022
September 10, 2022
ദോഹ: ഖത്തർ ഫിഫ ലോകകപ്പിനുള്ള ഒരുക്കങ്ങൾ മുറുകുന്നതിനിടെ ബെൽജിയം ടീമിന് ഗാലറിയിൽ ആവേശം പകരാൻ മലയാളിയുടെ നേതൃത്വത്തിലുള്ള ആരാധകസംഘവും അവസാനവട്ട തയാറെടുപ്പിലാണ്. ഖത്തറിലെത്തുന്ന ബെൽജീയം ഫാൻസ് ഒഫിഷ്യൽ ലീഡറായാണു മലപ്പുറം താനാളൂർ പകര സ്വദേശി ഇർഫാൻ ഖാലിദിനെ സുപ്രീം കമ്മിറ്റി തെരഞ്ഞെടുത്തത്.
ഖത്തറിലെ ബെൽജിയം ഫാൻസിനെ ഒരുമിച്ചു കൂട്ടീയതിനും പ്രവർത്തനങ്ങൾക്കു നേതൃത്വം നൽകുകയും ചെയ്തതിനു അഭിനന്ദങ്ങളറിയിച്ചു കൊണ്ട് കഴിഞ്ഞ ദിവസം നടന്ന ലുസൈൽ കപ്പിലേക്കുള്ള ടിക്കറ്റും സുപ്രീം കമ്മിറ്റി ഇർഫാന് നൽകി.
കിട്ടിയ അംഗീകാരങ്ങൾ തുടർന്നുള്ള പ്രവർത്തനങ്ങൾക്കു വലിയ പ്രചോദനമാണെന്ന് വർഷങ്ങളായി കേരളത്തിലെ ബെൽജിയം ഫാൻസ് എക്സീക്യൂട്ടീവ് അംഗമായ ഇർഫാൻ പറഞ്ഞു.
കഴിഞ്ഞ പത്തുവർഷമായി ഖത്തറിലെ സ്വകാര്യ കമ്പനിയിൽ സീനിയർ ബിസിനസ് ഓഫീസറാണ് ഈ മലപ്പുറത്തുകാരൻ.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/HrLcaJxM8ioJZfNN9bsdpq എന്ന ലിങ്കിൽ ജോയിൻ ചെയ്യുക
