November 15, 2019
November 15, 2019
ദോഹ: ഫിഫ ക്ലബ് ലോകകപ്പ് ടിക്കറ്റുകളുടെ അവസാനഘട്ട വിതരണം ആരംഭിച്ചു. ഓണ്‍ലൈന്‍ വഴിയാണ് ടിക്കറ്റ് വിതരണം നടക്കുന്നത്.
ഡിസംബറില്‍ നടക്കുന്ന ടൂര്‍ണമെന്റിനു സാക്ഷിയാകാനായി നേരത്തെ ടിക്കറ്റ് സ്വന്തമാക്കാന്‍ കഴിയാത്ത ഫുട്‌ബോള്‍ ആരാധകര്‍ക്കുള്ള അവസാന അവസരമാണ് ഫിഫ ഒരുക്കിയിരിക്കുന്നത്. ഫിഫയുടെ ഔദ്യോഗിക വെബ്‌സൈറ്റ് വഴിയാണ് ടിക്കറ്റ് വിതരണം നടക്കുന്നത്. ഇത് ഏറെനാള്‍ നീണ്ടുനില്‍ക്കുമെങ്കിലും ആദ്യമെത്തുന്നവരെയാണു പരിഗണിക്കുക. അതിനാൽ ദിവസങ്ങള്‍ക്കകം തന്നെ ടിക്കറ്റ് വിറ്റുതീരാനിടയുണ്ട്.
അധിക ടിക്കറ്റുകള്‍ അനുവദിക്കാനിടയുണ്ടെന്നതിനാല്‍ നിലവിലെ അവസരം കഴിഞ്ഞാലും ആരാധകര്‍ക്കു പ്രതീക്ഷയ്ക്കു വകയുണ്ട്. കൂടുതല്‍ ടിക്കറ്റുകള്‍ അനുവദിക്കുകയാണെങ്കില്‍ ഫിഫ വെബ്‌സൈറ്റ് വഴി അറിയിക്കുമെന്നു ബന്ധപ്പെട്ടവര്‍ അറിയിച്ചു. ടിക്കറ്റിനുള്ള അപേക്ഷ അംഗീകരിക്കപ്പെട്ടാൽ ഡിസംബര്‍ മുതല്‍ സൈറ്റില്‍ നിന്ന് ടിക്കറ്റുകള്‍ ഡൗണ്‍ലോഡ് ചെയ്യാനാകും.
ഡിസംബര്‍ 11ന് ജാസിം ബിന്‍ ഹമദ് സ്റ്റേഡിയത്തില്‍ നടക്കുന്ന ഉദ്ഘാടന മത്സരത്തില്‍ ഖത്തര്‍ ക്ലബായ അല്‍സദ്ദ് എസ്.സിയും ഒ.എഫ്.സി ചാംപ്യന്മാരായ ഹീങ്കെനെ സ്‌പോര്‍ട്ടും തമ്മില്‍ ഏറ്റുമുട്ടും.
