January 27, 2022
January 27, 2022
അൻവർ പാലേരി
ദോഹ : ബുധനാഴ്‌ച രാത്രി ദോഹയിലെ താമസ സ്ഥലത്ത് ഷോക്കേറ്റ് മരിച്ച കോഴിക്കോട് വാണിമേൽ സ്വദേശി ലഫ്‌സിന സുബൈറിന്റെ മൃതദേഹം നടപടിക്രമങ്ങൾ പൂർത്തിയാക്കി ഇന്ന് രാത്രിയോടെ നാട്ടിലേക്ക് കൊണ്ടുപോകും.ഇന്ന് രാത്രി 11.10 ന് കണ്ണൂരിലേക്കുള്ള എയർഇന്ത്യ എക്സ്പ്രസ് IX 774 വിമാനത്തിൽ നാട്ടിലേക്കയക്കുന്ന മൃതദേഹം നാളെ രാവിലെയോടെ സ്വദേശത്ത് എത്തും..കെ.എം.സി.സിക്ക് കീഴിലെ അൽ ഇഹ്‌സാൻ മയ്യിത്ത് പരിപാലനകമ്മറ്റി പ്രവർത്തകരുടെ കഠിന പരിശ്രമത്തെ തുടർന്നാണ് കോവിഡ് സാഹചര്യത്തിലും നടപടിക്രമങ്ങൾ എളുപ്പത്തിൽ പൂർത്തിയാക്കാൻ കഴിഞ്ഞത്.ഇന്ന് മഗ്‌രിബ് നമസ്കാരാനന്തരം അബുഹമൂറിൽ മയ്യിത്ത് നമസ്കാരം നടക്കും.
നാദാപുരം വാണിമേൽ ചേന്നാട്ട് സുബൈർ-ഖമർലൈല ദമ്പതികളുടെ മകൾ ലഫ്‌സിന സുബൈർ(28)ഇന്നലെ രാത്രിയാണ് ഐൻഖാലിദിലെ വീട്ടിൽ കുളിമുറിയിൽ ഷോക്കേറ്റ് മരിച്ചത്. ഭർത്താവ് മീത്തലെപീടികയിൽ സഹീർ.
മക്കൾ : അദാൻ മുഹമ്മദ് സഹീർ,ഐദ ഖദീജ,ഐദിൻ ഉസ്മാൻ.ഭർത്താവും കുട്ടികളും മൃതദേഹത്തോടൊപ്പം നാട്ടിലേക്ക് തിരിക്കും.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
