July 04, 2022
July 04, 2022
ദോഹ : ഖത്തറിലെ കണ്ണൂർ ജില്ലക്കാരുടെ കൂട്ടയ്മയായ കണ്ണൂർ യുണൈറ്റഡ് വെൽഫെയർ അസോസിയേഷന്റെ ഈ വർഷത്തെ സാഹിത്യ പുരസ്കാരത്തിനു പ്രദീപ് മണ്ടൂരിന്റെ 'കുത്തൂട്' എന്ന നാടകം അർഹമായി. ഓരോ വർഷവും സാഹിത്യത്തിന്റെ വിവിധ മേഖലകളെ പരിഗണിച്ചുകൊണ്ടാണ് 'കുവാഖ് സാഹിത്യ പുരസ്കാരം' എന്ന പേരിൽ അവാർഡ് നൽകുന്നത്. ഈ വർഷം നാടക രചനകളായിരുന്നു പുരസ്കാരത്തിനായി പരിഗണിച്ചിരുന്നത്.
കേരളത്തിലെ സജീവ നാടകപ്രവർത്തകനായ പ്രദീപ് മണ്ടൂർ ഇതിനുമുൻപും നാടക രചനക്ക് കേരളത്തിലെ സംഘടനകളുടെയും പ്രവാസിസംഘടനകളുടേതുമായി നിരവധി പുരസ്കാരങ്ങൾ നേടിയിട്ടുണ്ട്.
നാടകകൃത്തുക്കളും സംവിധായകരുമായ മണിയപ്പൻ ആറന്മുള, ശശിധരൻ നടുവിൽ എന്നിവരടങ്ങിയ ജൂറിയാണ് പുരസ്കാരത്തിന് അർഹമായ രചന തിരഞ്ഞെടുത്തത്. പ്രശസ്തിപത്രവും ക്യാഷ് അവാർഡുമാണ് പുരസ്കാരമായി നൽകുക.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
