September 03, 2022
September 03, 2022
ദോഹ: വിവിധ പ്രായപരിധിയിൽ പെട്ട കുട്ടികൾക്കായി കത്താറയിലെ കൾച്ചറൽ വില്ലേജ് ഫൗണ്ടേഷൻ സൗജന്യ ചിത്രരചനാ ശിൽപശാല സംഘടിപ്പിക്കുന്നു.സെപ്തംബർ 5 തിങ്കളാഴ്ച മുതൽ സെപ്തംബർ 21 ബുധനാഴ്ച വരെ വൈകുന്നേരം 5 മണിക്ക് കത്താറ ബിൽഡിംഗ് 41 ലെ അൽ തുരായ പ്ലാനറ്റോറിയത്തിലാണ് പരിപാടി.
സെപ്തംബർ 5-ന്,9 മുതൽ 11 വയസ്സുവരെ പ്രായമുള്ളവർക്കായി സ്പേസ് ഫാഷൻ, സെപ്റ്റംബർ 7ന് 7 മുതൽ 10 വയസ്സ് വരെ പ്രായമുള്ളവർക്കായി ലിറ്റിൽ ബഹിരാകാശയാത്രികൻ, സെപ്റ്റംബർ 12ന് 5 വയസ്സിനും 6നുമിടയിൽ പ്രായമുള്ളവർക്കായി , ആസ്ട്രോകാറ്റ് - മുഖഭാവങ്ങൾ, എന്നീ തലക്കെട്ടുകളിലാണ് ശിൽപശാല നടക്കുക.
8-10 പ്രായക്കാർക്കായി സെപ്റ്റംബർ 14ന് ബഹിരാകാശ രാജകുമാരി, 8-10 വയസ്സുകാർക്കായി സെപ്റ്റംബർ 19ന് ബഹിരാകാശത്തേക്കുള്ള എന്റെ യാത്ര, 5-6 വയസ്സുകാർക്കായി സെപ്റ്റംബർ 21ന് സ്പേസ് ഫാഷൻ എന്നിങ്ങനെയാണ് മറ്റ് ശിൽപശാലകൾ.
പങ്കെടുക്കുന്നവരുടെ പരമാവധി എണ്ണം ഒരു സെഷനിൽ പത്ത് പേരായിരിക്കും. 6674 8542 എന്ന ഫോൺ നമ്പറിൽ വിളിച്ചോ Kids.workshop@kataraforum.com എന്ന ഇമെയിൽ വഴിയോ രജിസ്റ്റർ ചെയ്യാം.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/DoTp5mITouhJcwHKcDKLsm എന്ന ലിങ്കിൽ ജോയിൻ ചെയ്യുക
