April 18, 2022
April 18, 2022
ദോഹ : ബിസിനസ് സംരംഭകരുടെ കൂട്ടായ്മയായ കേരള എന്റർപ്രണേഴ്‌സ് ക്ലബ് അംഗങ്ങൾക്കായി നോമ്പ് തുറയും കേരളത്തിൽ നിന്ന് ഖത്തറിലെത്തി വിവിധ ബിസിനസ് മേഖലകളിൽ കഴിവ് തെളിയിച്ചവർക്കായുള്ള കേരള എന്റർപ്രണേഴ്‌സ് ക്ലബ് ബിസിനസ് എക്സലൻസ് അവാർഡിന്റെ ലോഗോ പ്രകാശനവും ദോഹയിൽ നടത്തി.. ഒറിക്സ് വില്ലേജ് റെസ്റ്റാറന്റില്‍ നടന്ന പരിപാടിയിൽ കൾച്ചറൽ ഫോറം അഡ്വൈസറി കൗൺസിൽ ചെയർമാൻ ഡോ. താജ് ആലുവ ഉദ്ഘാടനം നിർവഹിച്ചു. മികച്ച സംരംഭകർക്കായുള്ള ബിസിനസ് എക്സലൻസ് അവാർഡ് ലോഗോയുടെ പ്രകാശനം കൾച്ചറൽ ഫോറം സ്റ്റേറ്റ് പ്രസിഡന്റ് എ.സി മുനീഷ് നിർവഹിച്ചു.
ബിസിനസ് എക്സലൻസ് അവാർഡില്‍ ഖത്തറിലെ പ്രവാസി സമൂഹത്തിലെ യുവ സംരംഭകർ, സ്ത്രീ സംരംഭകർ, ഇന്നോവേറ്റർ, നിർമാണ മേഖല തുടങ്ങി ഇടത്തരം -ചെറുകിട സംരംഭകരെയാണ്‌ പരിഗണിക്കുക. കെ.ഇ.സി പ്രസിഡന്റ് ശരീഫ് ചിറക്കൽ ചടങ്ങിൽ അധ്യക്ഷനായിരുന്നു.
വനിതാ സംരംഭകർ ഉൾപെടെ പങ്കെടുത്ത പരിപാടിയിൽ കെ.ഇ.സി വൈസ് പ്രസിഡന്റ് ശിഹാബ് വലിയകത്ത്, കൾച്ചറൽ ഫോറം ജനറൽ സെക്രട്ടറി മജീദലി,കെ.ഇ.സി ട്രഷറർ അസ്‌ഹറലി. പി, എക്സിക്യൂട്ടീവ് കമ്മറ്റി അംഗങ്ങളായ മുഹമ്മദ് ഹാഫിസ്, ഹാനി കെ, അൽത്താഫ്, കെ സി നബീൽ, ഷാഹിദ് തുടങ്ങിയവർ നേതൃത്വം നല്‍കി. പ്രോഗ്രാം കൺവീനർ അബ്ദുൽ റസാഖ് സ്വാഗതവും കെ.ഇ.സി എക്സിക്യൂട്ടീവ് അംഗം മൻസൂർ. പി നന്ദിയും പറഞ്ഞു.
മെയ് 28 ന് കെ.ഇ.സി യുടെ വിപുലമായ ജനറൽ ബോഡി യോഗം നടക്കുമെന്ന് പ്രസിഡന്റ് അറിയിച്ചു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
