December 08, 2021
December 08, 2021
ദോഹ : ഖത്തർ ലീഗിലെ നിലവിലെ ജേതാക്കളായ അൽ സദ്ദ് എഫ്‌സിയുടെ പരിശീലകനായി ഹാവി ഗാർസിയ ചുമതലയേറ്റു. ഔദ്യോഗിക ട്വിറ്റർ ഹാൻഡിലിലൂടെ ക്ലബ്ബ്‌ തന്നെയാണ് ഈ വാർത്ത പുറത്തുവിട്ടത്. മുൻ സ്പാനിഷ് ഇതിഹാസം സാവി ഹെർണാണ്ടസിന്റെ ഒഴിവിലേക്കാണ് ഗാർസിയ എത്തുന്നത്. 51 കാരനായ ഗാർസിയ ഇംഗ്ലീഷ് ക്ലബ്ബായ വാറ്റ്ഫോഡ്, സ്പാനിഷ് ക്ലബ്ബായ വലൻസിയ എന്നീ ക്ലബ്ബുകളെ പരിശീലിപ്പിച്ച പരിചയസമ്പത്തുമായാണ് ഖത്തറിൽ എത്തുന്നത്. രണ്ട് വർഷത്തോളം ടീമിനെ പരിശീലിപ്പിച്ച സാവി ഹെർണാണ്ടസ് തന്റെ പഴയ തട്ടകമായ ബാഴ്‌സലോണയിലേക്ക് മടങ്ങിയതോടെയാണ് അൽ സദ്ദിന് പുതിയ പരിശീലകനെ തേടേണ്ടി വന്നത്.
