November 22, 2019
November 22, 2019
ഓസ്ട്രേലിയ: പൂര്‍ണ്ണഗര്‍ഭിണിയായ യുവതിയെ അതിക്രൂരമായി മര്‍ദ്ദിക്കുന്നതിന്റെ സിസിടിവി ദൃശ്യങ്ങള്‍ പുറത്ത്.കഫേയില്‍ സുഹൃത്തുക്കള്‍ക്കൊപ്പം ഇരുന്ന് സംസാരിക്കുകയായിരുന്ന മുസ്‌ലിം യുവതിയെയാണ് 43 കാരനായ പ്രതി അതിശക്തമായി ഇടിക്കുകയും തൊഴിക്കുകയും ചെയ്തത്. കഫേയില്‍ യാതൊരു വിധ പ്രകോപനവുമില്ലാതെയാണ് ഇയാള്‍ ശിരോവസ്ത്രം ധരിച്ച ഒന്‍പത് മാസം ഗര്‍ഭിണിയായ യുവതിയെ ആക്രമിച്ചത്. ബുധനാഴ്ചയാണ് സംഭവം.
ഇത് ഇസ്ലാമോഫോബിയയാണ് ആക്രമണത്തിന് കാരണമെന്ന് ഓസ്ട്രേലിയയിലെ ഇസ്ലാമിക് അസോസിയേഷൻ ആരോപിച്ചു. ആളുകള്‍ ഓടിക്കൂടിയാണ് ഇയാളെ പിടിച്ചുമാറ്റിയത്. പ്രതിയ്ക്ക് ജാമ്യം നിഷേധിച്ചതായി പൊലീസ് വെളിപ്പെടുത്തി.കൂടുതല്‍ വകുപ്പുകള്‍ ഇയാള്‍ക്കെതിരെ ചുമത്താന്‍ സാധ്യതയുണ്ടെന്നും പൊലീസ് കൂട്ടിച്ചേര്‍ത്തു. ആക്രമണത്തിന് ഇരയായ യുവതിയെ ആശുപത്രിയില്‍ പ്രവേശിപ്പിച്ചു.
