November 29, 2019
November 29, 2019
ഫോട്ടോ : ഫയൽ
ദോഹ : ദോഹയിൽ നടക്കുന്ന അറേബ്യൻ ഗൾഫ് കപ്പിൽ എതിരില്ലാത്ത രണ്ടു ഗോളുകൾക്ക് ഇറാഖ് യു.എ.ഇ യെ പരാജയപ്പെടുത്തി. കളി തുടങ്ങി ആറാം മിനുട്ടിൽ അലാ അബ്ബാസാണ്‌ ആദ്യം യു.എ.ഇ യുടെ ഗോൾവല കുലുക്കിയത്. മുപ്പത്തിയേഴാം മിനുട്ടിൽ അലാ അബ്ദുൽ സഹ്‌റ ഇറാഖിനായി രണ്ടാമത്തെ ഗോൾ നേടി. ശക്തമായ ആക്രമണം പുറത്തെടുത്ത ഇറാഖിന്റെ ഗോൾവലയിൽ കയറിപ്പറ്റാൻ യു.എ.ഇ പരമാവധി ശ്രമിച്ചെങ്കിലും ശക്തമായ പ്രതിരോധനിരക്ക് മുന്നിൽ അടിപതറുകയായിരുന്നു.
ഗൾഫ് കപ്പിന്റെ ഉത്ഘാടന മത്സരത്തിൽ ഒന്നിനെതിരെ രണ്ടു ഗോളുകൾക്ക് ഇറാഖ് ഖത്തറിനെ പരാജയപ്പെടുത്തിയിരുന്നു.ഇന്നത്തെ അടുത്ത മത്സരം ഖത്തറും യമനും തമ്മിലാണ്. രാത്രി 8 ന് കളിയാരംഭിക്കും.
