June 28, 2021
June 28, 2021
ദോഹ: ഖത്തറിലെ യു.എസിന്റെ അല്‍ ഉദൈദ് എയര്‍ ബേസില്‍ സൈനിക ഉദ്യോഗസ്ഥന്‍ മരിച്ച സംഭവത്തില്‍ അന്വേഷണം. ലഫ്റ്റനന്റ് കേണല്‍ ജയിംസ് വില്ലീസാണ്് മരിച്ചതെന്ന് യു.എസ് പ്രതിരോധവിഭാഗം അറിയിച്ചു. 55കാരനായ വില്ലീസ് ഇക്കഴിഞ്ഞ ശനിയാഴ്ചയാണ് മരിച്ചത്. റെഡ് ഹോഴ്‌സി സ്‌ക്വാഡ്രനില്‍ കമാന്ററായിരുന്നു ഇദ്ദേഹം. ഔദ്യോഗിക സമയത്തല്ലാത്ത വില്ലീസിന്റെ മരണത്തെക്കുറിച്ചാണ് അന്വേഷിക്കുന്നത്. ഗള്‍ഫ് മേഖലയില്‍ അമേരിക്കയുടെ ഏറ്റവും വലിയ സൈനിക കേന്ദ്രമാണ് അല്‍ ഉദൈദ് എയര്‍ ബേസ്. നൂറോളം സൈനിക വിമാനങ്ങളും പതിനായിരത്തോളം സൈനികരും ഇവിടെയുണ്ട്.
