February 25, 2022
February 25, 2022
ഡൽഹി : റഷ്യ - യുക്രൈൻ പ്രതിസന്ധി തുറന്ന യുദ്ധത്തിലേക്ക് നീങ്ങവെ, യുക്രൈനിലെ ഇന്ത്യക്കാർക്ക് ഖത്തർ വഴി തിരിച്ചെത്താൻ മാർഗമൊരുക്കുമെന്ന് കേന്ദ്രം അറിയിച്ചു. ഖത്തർ അധികൃതരുമായി ഇക്കാര്യം സംസാരിച്ചതായും, ഇന്ത്യ-ഖത്തർ എയർ ബബിൾ സംവിധാനത്തിലൂടെ യുക്രൈനിൽ ഉള്ളവർക്ക് ഇന്ത്യയിൽ എത്താമെന്നും ഇന്ത്യൻ എംബസി ട്വിറ്ററിലൂടെ അറിയിച്ചു.
അതേസമയം, യുക്രൈനിൽ നിന്നും പുറത്തുകടക്കാൻ വിമാനങ്ങൾ ലഭ്യമാണോ എന്ന കാര്യത്തിൽ വ്യക്തതയില്ല. റഷ്യ ആക്രമണം കനപ്പിച്ചതിന് പിന്നാലെ രാജ്യത്തെ വിമാനസർവീസുകൾ നിർത്തിവെക്കുന്നതായി യുക്രൈൻ പ്രഖ്യാപിച്ചിരുന്നു. സാധാരണ സർവീസുകൾ തത്കാലത്തേക്ക് റദ്ദ് ചെയ്തതായി ഖത്തർ എയർവേയ്സും അറിയിച്ചിട്ടുണ്ട്. വലിയൊരു ശതമാനം വിദ്യാർത്ഥികൾ അടക്കം ഏതാണ്ട് ഇരുപതിനായിരം ഇന്ത്യക്കാരാണ് നിലവിൽ യുക്രൈനിലുള്ളത്.
