December 09, 2021
December 09, 2021
ദോഹ : രണ്ട് ദിവസത്തെ ഖത്തർ സന്ദർശനത്തിനായി ദോഹയിലെത്തിയ സൈനിക ഉപാധ്യക്ഷൻ ചാണ്ടി പ്രസാദ് മൊഹന്തി ഡൽഹിയിലേക്ക് മടങ്ങി. സംയുക്തസൈനികമേധാവി ബിപിൻ റാവത്ത് ഹെലികോപ്റ്റർ അപകടത്തിൽ മരണമടഞ്ഞതിനെ തുടർന്നാണ് മൊഹന്തി സന്ദർശനം പാതിവഴിയിൽ ഉപേക്ഷിച്ചു മടങ്ങിയത്.
ഇന്ത്യക്കും ഖത്തറിനും ഇടയിലെ പ്രതിരോധ സഹകരണത്തെ കുറിച്ച് ചർച്ചകൾ നടത്താനായി വ്യാഴാഴ്ച ആണ് മൊഹന്തി ദോഹയിൽ എത്തിയത്. വിവിധ സുരക്ഷാ ഉദ്യോഗസ്ഥരുമായി കൂടിക്കാഴ്ച്ച നടത്താനും പദ്ധതി ഉണ്ടായിരുന്നു. ഇന്നലെ ഉച്ചയ്ക്കാണ് സൈനികരംഗത്തെ ഏറ്റവും ഉയർന്ന ഉദ്യോഗസ്ഥരിൽ ഒരാളായ ബിപിൻ റാവത്ത് സഞ്ചരിച്ച ഹെലികോപ്റ്റർ ഊട്ടിക്ക് സമീപം അപകടത്തിൽ പെട്ടത്. സംഭവത്തിൽ 13 പേർക്ക് ജീവൻ നഷ്ടപ്പെട്ടിരുന്നു.
