May 15, 2021
May 15, 2021
ന്യൂഡൽഹി : ലോകകപ്പ് യോഗ്യതാ റൗണ്ടിലെ ശേഷിക്കുന്ന മത്സരങ്ങള്‍ക്കായി ഇന്ത്യന്‍ ടീം അടുത്തയാഴ്ച ഖത്തറിൽ എത്തും. ഇന്ത്യന്‍ ടീമിന്റെ യാത്രയെച്ചൊല്ലിയുള്ള അനിശ്ചിതത്വങ്ങള്‍ നീങ്ങിയതോടെയാണിത്. ജൂണിലാണ് ഇന്ത്യയുടെ മത്സരങ്ങള്‍.
ഖത്തര്‍, ബെംഗ്ലാദേശ്, അഫ്ഗാനിസ്ഥാന്‍ എന്നിവര്‍ക്കെതിരെയാണ് ഇന്ത്യയുടെ മത്സരങ്ങള്‍. ഇതിനായി മേയില്‍ കൊല്‍ക്കത്തയില്‍ ക്യാംപ് നടത്തി പിന്നീട് ദുബായിലും പരിശീലനം നടത്താമെന്നാണ് കരുതിയിരുന്നത്. എന്നാല്‍ ഇതിനിടെയാണ് കോവി‍ഡിന്റെ രണ്ടാം തരംഗം രാജ്യത്ത് രൂക്ഷമായത്. ഇതോടെ ടീം നേരിട്ട് ഖത്തറിലേക്ക് പോകാന്‍ തീരുമാനിക്കുകയായിരുന്നു. എന്നാല്‍ അവിടുത്തെ ക്വാറന്റീന്‍ നിയമങ്ങളെച്ചൊല്ലി യാത്ര നീണ്ടുപോകുകയായിരുന്നു. എന്നാലിപ്പോള്‍ ക്വറന്റീനില്‍ ഇന്ത്യക്ക് ഇളവ് ലഭിച്ചതോടെയാണ് ടീം യാത്രയ്ക്കൊരുങ്ങുന്നത്.
ഏ.ഐ.എഫ്.എഫ് ഖത്തര്‍ ഫുട്ബോള്‍ അസോസിയേഷനുമായി നടത്തിയ ചര്‍ച്ചകള്‍ക്കൊടുവില്‍ 10 ദിവസത്തെ ക്വാറന്റീനില്‍ ടീമിന് ഇളവ് ലഭിച്ചു. ഇതോടെ കളിക്കാര്‍ പലരും ഡെല്‍ഹിയിലേക്ക് തിരിച്ചിട്ടുണ്ട്. അവിടെ ആര്‍.ടി.പി.സി.ആര്‍ പരിശോധന നടത്തി നെഗറ്റീവ് ആകുന്നവര്‍ അടുത്തയാഴ്ച ആദ്യം തന്നെ ഖത്തറിലേക്ക് പറക്കും.
അതേസമയം,ലോകകപ്പിൽ കടന്നുകൂടുക പ്രയാസമാണെങ്കിലും ഏഷ്യാ കപ്പിൽ യോഗ്യത നേടാൻ ലക്ഷ്യമാക്കിയാണ് ഇന്ത്യൻ ടീം പരിശീലനത്തിനിറങ്ങുന്നതെന്നാണ് വിലയിരുത്തൽ.
ന്യൂസ്‌റൂം വാർത്തകൾ വേഗത്തിൽ ലഭിക്കാൻ പ്ളേസ്റ്റോറിൽ നിന്നും ആപ് സ്റ്റോറിൽ നിന്നും newsroom connect ആപ് ഡൗൺലോഡ് ചെയ്യുക.
Playstore :https://play.google.com/store/apps/details?id=com.friggitello.newsroom_qatar_user
App Store: https://apps.apple.com/us/app/newsroom-connect/id1559335758
