September 12, 2021
September 12, 2021
ജപ്പാനിലെ ചിബ പോർട്ട് അരീനയിൽ നടക്കുന്ന പുരുഷന്മാരുടെ ഏഷ്യൻ വോളിബോൾ ചാമ്പ്യൻഷിപ്പിലെ ആദ്യ മത്സരത്തിൽ ഇന്ത്യ ബഹ്‌റൈനോട് തോറ്റു... മുൻ ചാമ്പ്യന്മാരായ ജപ്പാൻ, റാങ്കിങ്ങിൽ ഇന്ത്യയേക്കാൾ ഏറെ മുന്നിലുള്ള ഖത്തർ, ബഹ്‌റൈൻ തുടങ്ങിയവരാണ് ഗ്രൂപ്പിൽ ഒപ്പമുള്ളത്. ഓരോ ഗ്രൂപ്പിൽ നിന്നും ഒരു ടീമിന് മാത്രമേ സെമിഫൈനലിൽ ഇടം പിടിക്കാനാവൂ എന്നതിനാൽ തന്നെ ഇന്ത്യക്ക് മുന്നോട്ടുള്ള പ്രയാണം ദുഷ്കരമാവും.
ഇന്ത്യയേക്കാൾ താഴ്ന്ന റാങ്കിങ്ങിലുളള ബഹറിനോട് ഇന്ന് പരാജയം ഏറ്റുവാങ്ങിയതോടെ ക്വാർട്ടർ പ്രവേശനത്തിനുളള സാധ്യത മങ്ങി. ഇന്ത്യയുടെ റാങ്ക് 84 ആണെങ്കിൽ, ബഹറിന്റേത് 87 ആണ്. ഗ്രൂപ്പ് എയിൽ ഉൾപ്പെട്ട ഇന്ത്യക്ക് ഇനി കരുത്തരായ ഖത്തർ, മുൻ ഏഷ്യൻ ചാമ്പ്യന്മാരായ ജപ്പാൻ എന്നിവരോടാണ് ഏറ്റുമുട്ടേണ്ടത്.
ഇന്ത്യക്ക് ഇനി അടുത്ത രണ്ട് കളികളിൽ ജയിച്ചാൽ മാത്രമേ ക്വാർട്ടറിൽ പ്രവേശിക്കാൻ കഴിയൂ. ഏഷ്യൻ ചാമ്പ്യൻഷിപ്പിലെ ഫൈനലിസ്റ്റുകൾക്ക് അടുത്ത വർഷം നടക്കുന്ന ലോക വോളിബോൾ ചാമ്പ്യൻഷിപ്പിൽ നേരിട്ട് യോഗ്യത ലഭിക്കും. 2019 ടെഹ്‌റാനിൽ നടന്ന ഏഷ്യൻ വോളിബോൾ ചാമ്പ്യൻഷിപ്പിൽ ഇന്ത്യ എട്ടാം സ്ഥാനത്തായിരുന്നു.
16 ടീമുകളെ നാല് ഗ്രൂപ്പാക്കി തിരിച്ചാണ് ടൂർണമെന്റ് നടക്കുന്നത്. ഓരോ ഗ്രൂപ്പിലെയും ജേതാക്കൾ സെമിയിലേക്ക് പ്രവേശിക്കുമ്പോൾ, രണ്ടാം സ്ഥാനക്കാർക്ക് അഞ്ചുമുതൽ എട്ട് വരെയുള്ള സ്ഥാനങ്ങൾക്ക് വേണ്ടി മത്സരിക്കാം. തിങ്കളാഴ്ച, ഖത്തറിനെതിരെയാണ് ഇന്ത്യയുടെ ആദ്യമത്സരം.
