April 09, 2023
April 09, 2023
ന്യൂസ്‌റൂം ബ്യുറോ
ദോഹ :മുന്‍ വൈസ് പ്രസിഡന്റും വടകരയിലെ സാമൂഹ്യ രാഷ്ട്രീയ ജീവ കാരുണ്യ മേഖലയിലെ സജീവ സാന്നിധ്യവുമായിരുന്ന യു. റൈസലിനെ ഖത്തര്‍ ഐ.എം.സി.സി.അനുസ്മരിച്ചു. ന്യൂ റാന്തൽ റെസ്റ്റോറൻ്റ് ഓഡിറ്റോറിയത്തിൽ നടന്ന അനുസ്മരണ പരിപാടിയും ഇഫ്താർ സംഗമവും ഐ എൻ എൽ സംസ്ഥാന സെക്രട്ടറി സത്താർ കുന്നിൽ ഉൽഘാടനം ചെയ്തു. ഖത്തറിലെ വിവിധ സംഘടനാ നേതാക്കൾ പങ്കെടുത്ത പരിപാടിയിൽ ഐ.എം.സി.സി പ്രസിഡൻറ് പി.പി.സുബൈർ അധ്യക്ഷനായിരുന്നു.
പ്രകടന പരതയില്ലാതെ നിശബ്ദമായും സൗമ്യതയോടെയും തന്നിലേൽപ്പിക്കപ്പെടുന്ന ഉത്തരവാദിത്തങ്ങൾ പൂർണ്ണമായ ആത്മാർത്ഥതയോടെ പൂർത്തീകരിച്ചിരുന്ന നിഷ്ക്കളങ്കനായ പൊതു പ്രവർത്തകനായിരുന്നു റൈസലെന്ന് സത്താർ കുന്നിൽ അനുസ്മരിച്ചു.
ഹമീദ് മധൂർ( കുവൈത്ത് ഐ.എം.സി.സി) ഷംസീർ അരിക്കുളം ( സംസ്കൃതി) സുഹൈൽ കുറ്റ്യാടി ( ഐ സി എഫ്) പ്രദോഷ് കുമാർ ( അടയാളം ഖത്തർ) ഖലീൽ അമ്പലത്ത് ( യൂണിറ്റി ഖത്തർ) നംഷീർ ബഡേരി , മജീദ് ചിത്താരി (ഐ.എം.സി.സി) എന്നിവർ ആശംസ പ്രസംഗം നടത്തി. റഫീഖ് കോതൂർ സ്വാഗതവും അക്സർ മുഹമ്മദ് നന്ദിയും പറഞ്ഞു.
ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI
