December 21, 2021
December 21, 2021
ദോഹ : ഖത്തറിന്റെ ദേശീയ ദിനമായ ഡിസംബർ 18 വർണ്ണാഭമായ പരിപാടികളാൽ മനോഹരമായി ആഘോഷിക്കപ്പെട്ടു. രാജ്യത്തിന്റെ പലഭാഗങ്ങളിലും സംഘടിപ്പിച്ച വിവിധങ്ങളായ പരിപാടികളിൽ ലക്ഷക്കണക്കിന് പേരാണ് ഭാഗമായത്. തീർത്തും വ്യത്യസ്തമായൊരു ദേശീയദിനാഘോഷത്തിലൂടെ വാർത്തകളിൽ ഇടം പിടിച്ചിരിക്കുകയാണ് ഷെറാട്ടൺ ഗ്രാന്റ്.
ദേശീയ ദിനവും, വൈകാതെ എത്തുന്ന പുതുവത്സരവും പ്രമാണിച്ച് 2022 കിലോ ഭാരം വരുന്ന പടുകൂറ്റൻ കേക്ക് ആണ് ഇവിടെ തയ്യാറാക്കിയത്. ഒപ്പം, ഖത്തറി കലാകാരി ഹൈഫ അൽ ഖുസൈയുടെ സെറാമിക് എക്സിബിഷനും അരങ്ങേറി. സന്ദർശകർക്കായി പ്രത്യേ അത്താഴവിരുന്നും കരിമരുന്ന് പ്രയോഗവും അടക്കം നിരവധി മറ്റ് പരിപാടികൾക്കും ഷെറാട്ടൺ ഗ്രാന്റ് വേദിയായി.
