March 25, 2021
March 25, 2021
ദോഹ: ഖത്തറില് ഹോട്ടല് ക്വാറന്റൈന് കാലാവധി ഈ വര്ഷം ഓഗസ്റ്റ് 31 വരെ നീട്ടി. ഇന്ത്യ ഉള്പ്പെടെയുള്ള റെഡ് സോണ് രാജ്യങ്ങളില് നിന്നുള്ളവര്ക്കുള്ള ഹോട്ടല് ക്വാറന്റൈന് കാലാവധിയാണ് ഇപ്പോള് നീട്ടിയിരിക്കുന്നത്. ഡിസ്കവര് ഖത്തറിന്റെ വെബ്സൈറ്റില് ഓഗസ്റ്റ് 31 വരെയുള്ള തിയ്യതികളിലെ ഹോട്ടല് ക്വാറന്റൈന് ബുക്കിങ് ഇപ്പോള് ലഭ്യമാക്കിയിട്ടുണ്ട്.
നേരത്തേ ഈ വര്ഷം മെയ് 31 വരെ ആയിരുന്നു ഹോട്ടല് ക്വാറന്റൈനായി നിശ്ചയിച്ച കാലാവധി. ഖത്തരി പൗരന്മാര്, അവരുടെ കുടുംബം, പെര്മനന്റ് റസിഡന്സി പെര്മിറ്റുള്ളവര്, ജി.സി.സി പൗരന്മാര്, തുടങ്ങിയവര്ക്കാണ് നിലവില് രാജ്യത്തേക്ക് പ്രവേശനം അനുവദിച്ചിട്ടുള്ളത്.
ഖത്തര് ഐ.ഡിയുള്ളവര് ഖത്തര് പോര്ട്ടലില് നിന്ന് എക്സപ്ഷനല് എന്ട്രി പെര്മിറ്റ് എടുക്കണം. നിലവില് ഖത്തറില് ഉള്ളവര്ക്ക് രാജ്യം വിടുമ്പോള് ഓട്ടോമാറ്റിക്കായി എന്ട്രി പെര്മിറ്റ് ലഭിക്കും.
അതേസമയം ഖത്തര് സര്ക്കാര് ഇക്കാര്യം ഔദ്യോഗികമായി പ്രഖ്യാപിച്ചിട്ടില്ല. ഖത്തറില് ജനിതകമാറ്റം വന്ന വൈറസിന്റെ സാന്നിധ്യം കണ്ടെത്തിയതും കൊവിഡ് കേസുകളുടെ എണ്ണം വര്ധിക്കുന്നതുമാണ് ക്വാറന്റൈന് കാലാവധി നീട്ടാന് കാരണമെന്നാണ് അറിയുന്നത്. വെള്ളിയാഴ്ച മുതല് ഖത്തറില് കര്ശനമായ നിയന്ത്രണങ്ങള് ഉണ്ടാകുമെന്ന് നേരത്തേ സര്ക്കാര് അറിയിച്ചിരുന്നു.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.