January 24, 2022
January 24, 2022
ദോഹ : രാജ്യത്തെ കോവിഡ് കേസുകൾ കണ്ടെത്താൻ പുതിയ ഒരു ലബോറട്ടറി കൂടി പ്രവർത്തനമാരംഭിച്ചു. ഹമദ് മെഡിക്കൽ കോർപറേഷന്റെ കീഴിലുള്ള പുതിയ ലബോറട്ടറിയിൽ പ്രതിദിനം ശരാശരി അയ്യായിരം മുതൽ ആറായിരം വരെ ടെസ്റ്റുകൾ നടത്താൻ കഴിയും. ഹമദ് ജനറൽ ആശുപത്രിക്ക് സമീപമാണ് പുതിയ ലബോറട്ടറി സ്ഥിതി ചെയ്യുന്നത്. ഹമദിന്റെ കീഴിലുള്ള നാലാമത്തെ ലാബാണിത്.
കോവിഡ് പരിശോധനകളുടെ ഫലം വൈകുന്നത് ഖത്തറിൽ ഏറെ പ്രതിസന്ധികൾ സൃഷ്ടിച്ചിരുന്നു. ഇവ പരിഹരിക്കുകയാണ് പുതിയ ലാബിന്റെ ലക്ഷ്യം. കോവിഡ് മഹാമാരിയുടെ പ്രാരംഭകാലം മുതൽ ഇന്നുവരെയുള്ള കണക്കുകൾ പ്രകാരം 3.2 മില്യൺ കോവിഡ് റെസ്റ്റുകളാണ് ഖത്തറിലെ വിവിധ ലാബുകളിലായി നടത്തിയത്.
