February 15, 2022
February 15, 2022
ദോഹ : രാജ്യത്തെ കോവിഡ് കേസുകളുടെ എണ്ണത്തിൽ തുടർച്ചയായി കുറവുകൾ രേഖപ്പെടുത്തിയതോടെ ഹമദ് മെഡിക്കൽ കോർപറേഷനിലെ സന്ദർശനവ്യവസ്ഥയിൽ ഇളവുകൾ പ്രഖ്യാപിച്ചു. ഇന്ന് മുതൽ, കോവിഡ് ഇതര അസുഖങ്ങൾ കാരണം അഡ്മിറ്റ് ചെയ്യപ്പെട്ട രോഗികളെ രാവിലെ 11 മണി മുതൽ രാത്രി 8 മണി വരെ സന്ദർശിക്കാം.
ഇഹ്തിറാസ് ആപ്പിൽ ഗ്രീൻ സ്റ്റാറ്റസ് ഉള്ളവർക്ക് മാത്രമേ രോഗികളെ സന്ദർശിക്കാൻ അനുമതി ലഭിക്കൂ. ഹമദ് മെഡിക്കൽ കോർപറേഷനിൽ പ്രവേശിക്കുന്ന സമയം മുതൽ മാസ്ക് അണിയുകയും, സാമൂഹിക അകലം പാലിക്കുകയും ചെയ്യണം. ആശുപത്രിയിൽ സജ്ജീകരിച്ചിട്ടുള്ള സാനിറ്റൈസർ ഉപയോഗിച്ച് കൈകൾ അണുവിമുതമാക്കണമെന്നും അധികൃതർ നിർദ്ദേശിച്ചു. ഒരുസമയം പരമാവധി രണ്ടുപേർക്കാണ് രോഗികളെ സന്ദർശിക്കാൻ അനുമതി ലഭിക്കുക.
