May 01, 2021
May 01, 2021
ദോഹ : ഹമദ് മെഡിക്കല്‍ കോര്‍പറേഷനിൽ ഒ നെഗറ്റിവ്, ഒ പോസിറ്റിവ് ഗ്രൂപ് രക്തത്തിന് കടുത്ത ക്ഷാമം നേരിടുന്നതായി റിപ്പോർട്ട്. . ഈ ഗ്രൂപ്പുകളിലുള്ള രക്തം ഉടന്‍ വേണമെന്ന് എച്ച്‌.എം.സി അറിയിച്ചു. നിലവിൽ 'ഖത്തര്‍, ഞങ്ങളുടെ രക്തത്തിലാണ്' എന്ന കാമ്പയിൻ വഴി എച്ച്‌.എം.സി രക്തശേഖരണപരിപാടി നടത്തിവരുന്നുണ്ട്.. കോവിഡ് സാഹചര്യമായതിനാല്‍ മുന്‍കാലങ്ങളിലേതില്‍ നിന്ന് വ്യത്യസ്തമായി ബ്ലഡ്ബാങ്കുകളില്‍ മതിയായ അളവില്‍ രക്തം ഉറപ്പുവരുത്തേണ്ടത് അനിവാര്യമാണ്. താല്‍പര്യമുള്ളവര്‍ എച്ച്‌.എം.സിയുടെ ഏറ്റവും അടുത്തുള്ള രക്തദാനകേന്ദ്രത്തില്‍ എത്തുകയാണ് വേണ്ടത്.
ഹമദ് ജനറല്‍ ആശുപത്രിക്കടുത്തുള്ള ബ്ലഡ് ഡോണര്‍ സെന്‍റര്‍ ശനിയാഴ്ച മുതല്‍ വ്യാഴാഴ്ച വരെ രാവിലെ എട്ടുമുതല്‍ ഉച്ചക്ക് ഒന്നുവരെയും പിന്നീട് വൈകീട് ആറുമുതല്‍ രാത്രി 12 വരെയും പ്രവര്‍ത്തിക്കും. വെള്ളിയാഴ്ചകളില്‍ ഈ കേന്ദ്രം പ്രവര്‍ത്തിക്കില്ല.
സര്‍ജിക്കല്‍ സ്പെഷാലിറ്റി സെന്‍ററിനടുത്ത് ഔട്ട്പേഷ്യന്‍റ് വിഭാഗത്തിന്റെ എതിര്‍വശത്തായി പുതിയ ബ്ലഡ് ഡോണര്‍ സെന്‍റര്‍ ഈയിടെ തുറന്നിട്ടുണ്ട്. ശനിയാഴ്ച മുതല്‍ വ്യാഴാഴ്ച വരെ വൈകീട്ട് ആറുമുതല്‍ രാത്രി 12 വരെ ഇതു പ്രവര്‍ത്തിക്കും. വെള്ളിയാഴ്ച ഉണ്ടാകില്ല.
സൂഖ് വാഖിഫ് മൊബൈല്‍ യൂനിറ്റ് വെള്ളിയാഴ്ച അടക്കം ആഴ്ചയില്‍ ഏഴുദിവസവും പ്രവര്‍ത്തിക്കും. രാത്രി എട്ടുമുതല്‍ പുലര്‍ച്ച 12 വരെയാണ് പ്രവര്‍ത്തനസമയം.
മുശൈരിബ് മൊൈബല്‍ യൂനിറ്റ് ഞായറാഴ്ച മുതല്‍ ശനിയാഴ്ച വരെ ആഴ്ചയില്‍ എല്ലാദിവസവും ഇതേസമയം പ്രവര്‍ത്തിക്കും. http://hamad.qa/qbs എന്ന ലിങ്ക് സന്ദര്‍ശിച്ചാല്‍ കൂടുതല്‍ വിവരങ്ങള്‍ ലഭ്യമാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
