July 29, 2022
July 29, 2022
ദോഹ : കനത്ത മഴയെത്തുടർന്ന് അൽ വക്ര ആശുപത്രിക്കുള്ളിൽ വലിയ തോതിൽ ചോർച്ചയുണ്ടായതായി കാണിക്കുന്ന വീഡിയോ ദൃശ്യം ആധികാരികമല്ലെന്ന് ഹമദ് മെഡിക്കൽ കോർപ്പറേഷൻ (എച്ച്എംസി) അറിയിച്ചു. ആശുപത്രിക്കുള്ളിൽ ഒരുതരത്തിലുള്ള ചോർച്ചയും കണ്ടെത്തിയിട്ടില്ലെന്നും മികച്ച അന്താരാഷ്ട്ര നിലവാരത്തിലുള്ള സൗകര്യങ്ങളാണ് ആശുപത്രിയിൽ സജ്ജീകരിച്ചിട്ടുള്ളതെന്നും അധികൃതർ ട്വിറ്റർ അക്കൗണ്ടിൽ വ്യക്തമാക്കി.
സ്ഥാപനത്തിന്റെയും അതിന്റെ സൗകര്യങ്ങളുടെയും നിലവാരവും അന്തസ്സും തകർക്കുന്ന തരത്തിൽ ഇത്തരം കിംവദന്തികൾ പ്രചരിപ്പിക്കുന്നവർക്കെതിരെ എല്ലാ നിയമ നടപടികളും സ്വീകരിക്കുമെന്നും എച്ച്എംസി അറിയിച്ചു.
കഴിഞ്ഞ ദിവസം രാവിലെ മുതൽ അനുഭവപ്പെട്ട കനത്ത മഴയിൽ രാജ്യത്തിന്റെ വിവിധ ഭാഗങ്ങളിൽ ചെറിയതോതിൽ വെള്ളക്കെട്ടുകൾ രൂപപ്പെട്ടിരുന്നു.ഇതിന് പിന്നാലെയാണ് വക്രയിലെ ഹമദ് ആശുപത്രിയിൽ വെള്ളം കയറുന്നതിന്റെ ദൃശ്യമെന്ന തരത്തിൽ വ്യാജ വീഡിയോ സമൂഹ മാധ്യമങ്ങളിൽ പ്രചരിച്ചത്.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.
