October 08, 2019
October 08, 2019
ദോഹ : ധരിച്ചിരുന്ന ഷൂവിന്റെ അടിയിൽ ഒളിപ്പിച്ചു കടത്താൻ ശ്രമിച്ച 785 ഗ്രാം ഹഷിഷ് ദോഹ രാജ്യാന്തര വിമാനത്താവളത്തിൽ കസ്റ്റംസ് അധികൃതർ പിടികൂടി.കസ്റ്റംസ് ജനറൽ അതോറിറ്റി ട്വിറ്ററിലാണ് ഇക്കാര്യം അറിയിച്ചത്.ഏഷ്യൻ വംശജനാണ് പിടിയിലായത്.
കഴിഞ്ഞ മാസം 23 ന്ദോഹ വിമാനത്താവളത്തിൽ എത്തിയ യാത്രക്കാരന്റെ ലഗേജിൽ നിന്നും 9.45 ഗ്രാം ഹഷീഷും 7 ഗ്രാം കഞ്ചാവും അധികൃതർ പിടികൂടിയിരുന്നു. മയക്കുമരുന്ന് ഉൾപ്പെടെയുള്ള അനധികൃത വസ്തുക്കൾ രാജ്യത്തേക്ക് കടത്തുന്നത് തടയാൻ അതിനൂതന സംവിധാനങ്ങളാണ് ദോഹ വിമാനത്താവളത്തിൽ സജ്ജീകരിച്ചിട്ടുള്ളത്. യാത്രക്കാരുടെ ശരീരഭാഷ മനസിലാക്കി ഇത്തരം ആളുകളെ പിടികൂടാനുള്ള പരിശീലനവും അധികൃതർ നൽകുന്നുണ്ട്.
