May 24, 2022
May 24, 2022
അൻവർ പാലേരി
ദോഹ : ഖത്തറിലെ പ്രമുഖ ഹൈപ്പർമാർക്കറ്റ് ശൃംഖലയായ ഗ്രാൻഡ്മാളിന്റെ ആറാമത് ശാഖ ബുധനാഴ്ച രാവിലെ മഖൈനിസിൽ പ്രവർത്തനമാരംഭിക്കും.സൽവാ എക്സ്പ്രസ് വേയിൽ നിന്ന് അബുസാമ്രായിലേക്ക് പോകുന്ന വഴി 37 എക്സിറ്റിൽ പ്രതിദിനം മുപ്പതിനായിരം ഉപഭോക്താക്കളെ ഉൾക്കൊള്ളാൻ ശേഷിയുള്ളതാണ് പുതിയ ഹൈപ്പർമാർക്കറ്റെന്ന് മാനേജ്‌മെന്റ് ദോഹയിൽ വാർത്താസമ്മേളനത്തിൽ അറിയിച്ചു.55,000 ചതുരശ്ര അടി വിസ്‌തീർണമുള്ള ഹൈപ്പർമാർക്കറ്റിൽ വിശാലമായ കാർ പാർക്കിങ് സൗകര്യവും ലഭ്യമായിരിക്കും.
മിഡിൽ ഈസ്റ്റിൽ, ജനപ്രീതി നേടിയ മികച്ച ബ്രാൻഡായി ഗ്രാൻഡ് മാൾ വളരുകയാണെന്നും മഖൈനിസിൽ കൂടി പ്രവത്തനം തുടങ്ങുന്നതോടെ ലോകത്തിന്റെ വിവിധഭാഗങ്ങളിലായി പ്രവർത്തിക്കുന്ന ഔട്‍ലെറ്റുകളുടെ എണ്ണം 80 ആയി ഉയരുമെന്നും മാനേജിങ് ഡയറക്റ്റർ ഡോ.അൻവർ അമീൻ ചേലാട്ട് അറിയിച്ചു.ഗ്രാൻഡ് മാർട്ടിന്റെ ഖത്തറിലെ അടുത്ത അഞ്ച് വർഷത്തേക്കുള്ള വിപുലീകരണ പദ്ധതികളും ഡോ. അമീൻ വിശദീകരിച്ചു.ഈ വർഷം അൽ അസീസിയ, ഉമ്മു ഗാർൻ, ഉമ്മുൽ അമദ് എന്നിവിടങ്ങളിൽ മൂന്ന് ഔട്ട്‌ലെറ്റുകൾ കൂടി ആരംഭിക്കുന്നതോടെ കൂടുതൽ പ്രവാസി മലയാളികൾക്ക് തൊഴിലവസരങ്ങൾ ലഭിക്കുമെന്നും അദ്ദേഹം പറഞ്ഞു.
വാർത്താസമ്മേളനത്തിൽ റീജണൽ ഡയറക്ടർ അഷ്‌റഫ് ചിറക്കൽ, ജനറൽ മാനേജർ അജിത് കുമാർ, ബിസിനസ് ഡെവലപ്‌മെന്റ് ഹെഡ് നദീം പാഷ, ബിൻ യൂസഫ് ഗ്രൂപ്പ് ജെവി പാർട്ണർ സിഒഒ ഡേവിഡ് ഫോർഡ് തുടങ്ങിയവർ പങ്കെടുത്തു.
ഗൾഫിൽ നിന്നുള്ള ഏറ്റവും പുതിയ വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
