August 25, 2020
August 25, 2020
ദോഹ : ഗൾഫ് രാജ്യങ്ങളിൽ കോവിഡ് മരണ നിരക്ക് ഏറ്റവും കുറഞ്ഞ രാജ്യമെന്ന വിശേഷണത്തിനൊപ്പം രോഗത്തെ അതിജീവിക്കുന്നവരുടെ എണ്ണവും ഗണ്യമായി ഉയരുന്നു.ഇതുവരെയുള്ള കണക്കനുസരിച്ച് 0.2 (194) ശതമാനമാണ് ഖത്തറിലെ കോവിഡ് മരണ നിരക്ക്. 0.4(184) ശതമാനം മരണ നിരക്കുള്ള ബഹ്റൈനാണ് തൊട്ടു പിന്നിലുള്ളത്. കുവൈത്തിലും(518) യു.എ.ഇയിലും 0.6(376) ശതമാനമാണ് കോവിഡ് മരണ നിരക്ക്. ഒമാനിൽ 0.8(637) ശതമാനമാണ് മരണ നിരക്ക്.
കോവിഡ് ഭേദമാകുന്നവരുടെ ശതമാന കണക്കിലും ഖത്തർ തന്നെയാണ് മുന്നിൽ.97.3 ശതമാനം പേർക്കാണ് ഖത്തറിൽ ഇതുവരെ കോവിഡ് ഭേദമായത്.93.4 ശതമാനം രോഗമുക്തി നേടിയ ഒമാനാണ് തൊട്ടു പിന്നിലുള്ളത്. 93.1 ശതമാനമാണ് ബഹ്റൈനിലെ രോഗമുക്തി നിരക്ക്. സൗദിയിൽ 91.7 ശതമാനവും കുവൈത്തിൽ 90.1 ശതമാനവും രോഗമുക്തി നേടി. കോവിഡ് ഭേദമാകുന്നവരുടെ ശതമാന കണക്കിൽ യു.എ.ഇ യാണ് ഏറ്റവും പിന്നിൽ.87.1 ശതമാനമാണ് യു.എ.ഇയിലെ രോഗമുക്തി നിരക്ക്.
ന്യൂസ്‌റൂം വാർത്തകൾ ടെലഗ്രാമിൽ ലഭിക്കാൻ ഈ ലിങ്കിൽ ചേരുക.വാർത്തകൾ വാട്സ്ആപ്പിൽ ലഭിക്കാൻ +974 66200167 എന്ന നമ്പറിൽ ബന്ധപ്പെടുക.
