March 17, 2022
March 17, 2022
ദോഹ : അമീർ കപ്പ് ഫുട്‍ബോൾ ടൂർണമെന്റിന്റെ ഫൈനൽ മത്സരത്തിൽ, കഴിഞ്ഞ വർഷത്തെ ഫാൻ കാർഡ് ഉടമകൾക്ക് സൗജന്യ പ്രവേശനം നൽകുമെന്ന് ഖത്തർ ഫുട്‍ബോൾ അസോസിയേഷൻ അറിയിച്ചു. ഫാൻ ഐഡി കാർഡ് കരസ്ഥമാക്കിയവർക്ക് ഇത് സംബന്ധിച്ച ഇമെയിലും എസ്.എം.എസ് സന്ദേശവും അയച്ചിട്ടുണ്ടെന്നും അധികൃതർ അറിയിച്ചു
tickets.qfa.fa എന്ന വെബ്‌സൈറ്റിലൂടെ നടപടിക്രമങ്ങൾ പൂർത്തിയാക്കുന്നവർക്കാണ് പ്രവേശനം ലഭിക്കുക. സീറ്റ് ബുക്ക് ചെയ്തതിന് ശേഷം, ഫാൻ ഐഡി ടിക്കറ്റ് എന്ന ഓപ്ഷൻ തിരഞ്ഞെടുത്ത്, ഫാൻ ഐഡി കാർഡിന്റെ വിശദാംശങ്ങൾ നൽകണം. മാർച്ച് 18 ന് നടക്കുന്ന അമീർ കപ്പ് ഫൈനലിൽ അൽ ദുഹൈലും അൽ ഗറാഫയുമാണ് ഏറ്റുമുട്ടുന്നത്.
