May 02, 2022
May 02, 2022
ദോഹ : ദോഹ കോർണിഷിൽ നാളെ ആരംഭിക്കുന്ന ഈദ് ആഘോഷങ്ങളിൽ പങ്കെടുക്കാൻ എത്തുന്ന സന്ദർശകർക്കായി മൊവാസലാത്ത് സൗജന്യ ബസ് സർവീസുകൾ ഏർപ്പെടുത്തും.ഖത്തറിന്റെ വിവിധ ഭാഗങ്ങളിൽ നിന്ന് സന്ദർശകരെ എത്തിക്കുന്നതിനായി ഇലക്ട്രിക് ബസുകളാണ് സജ്ജീകരിച്ചിരിക്കുന്നത്.ബി റിങ്,സി റിങ് റോഡുകളിൽ നിന്ന് ഷട്ടിൽ സർവീസുകൾ നടത്തുന്നതിന് 70 അധിക സർവീസുകൾ ഏർപ്പെടുത്തിയതായി മൊവാസലാത്ത്(കർവ) പബ്ലിക് റിലേഷൻ ഡയറക്റ്റർ ഖാലിദ് ഹസ്സൻ ഖഫൂദ് അറിയിച്ചു.
ഓരോ പത്ത് മിനുട്ടിലും സൗജന്യ ബസ് സർവീസുകൾ ഉണ്ടായിരിക്കുമെന്നും ആവശ്യമെങ്കിൽ അധിക സർവീസുകൾ ഏർപ്പെടുത്തുമെന്നും ഖത്തർ ടെലിവിഷനുമായി സംസാരിക്കുന്നതിനിടെ അദ്ദേഹം പറഞ്ഞു.
കോർണിഷിൽ സ്വകാര്യ വാഹനങ്ങൾക്ക് നിയന്ത്രണം ഏർപ്പെടുത്തിയ സാഹചര്യത്തിൽ സൗജന്യ ബസ് സർവീസുകൾ സന്ദർശകർക്ക് ഏറെ ആശ്വാസമാകും.
മൂന്നു ദിവസത്തെ ആഘോഷങ്ങൾക്ക് നാളെ തുടക്കമാവും.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
