November 17, 2022
November 17, 2022
ന്യൂസ്‌റൂം ബ്യുറോ
ദോഹ : നോബിൾ ഇൻ്റർനാഷണൽ കിൻ്റർഗാർഡനിലെ കെ.ജി-1,കെ.ജി-2 ക്ലാസ്സുകളിലെ വിദ്യാർഥികൾക്കായി സൗജന്യ മെഡിക്കൽ ക്യാമ്പ് സംഘടിപ്പിച്ചു.നവംബർ 15,16 തീയതികളിൽ നടത്തിയ ദ്വിദിന ക്യാമ്പിൽ 500 ഓളം വിദ്യാർത്ഥികൾ പങ്കെടുത്തു.ഫോക്കസ് മെഡിക്കൽ സെൻ്ററിലെ ശിശുരോഗവിദ്ഗ്ദൻ ഡോ. രാം ശർമ ക്യാമ്പിന് നേതൃത്വം നൽകി.
കുട്ടികൾക്കായി ദന്തപരിശോധന, മെഡിക്കൽ സ്ക്രീനിംഗ് തുടങ്ങിയ സേവനങ്ങൾനൽകിയതിന് പുറമെ, ക്യാമ്പിൽ പങ്കെടുത്ത എല്ലാ കുട്ടികൾക്കും ഫോക്കസ് മെഡിക്കൽ സെൻ്ററിൻ്റെ ഹെൽത്ത് സ്ക്രീനിംഗ് പാക്കേജുകളും നൽകി.
നോബിൾ ഇൻ്റർനാഷണൽ കിൻ്റർഗാർഡനിലെ പ്രധാനാധ്യാപിക അസ്മ റോഷൻ ക്യാമ്പ് ഉദ്ഘാടനം ചെയ്തു. ഫോക്കസ് മെഡിക്കൽ സെൻ്റർ മാർക്കറ്റിംഗ് മാനേജർ ബിബിൻ, നോബിൾ കിൻ്റർഗാർഡൻ അഡ്മിൻ മാനേജർ സിനിൽ കുമാർ എന്നിവർ പങ്കെടുത്തു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FxcpaKzzbtR4LadT0rnH7K എന്ന ലിങ്കിൽ ജോയിൻ ചെയ്യുക
