January 05, 2022
January 05, 2022
ഡൽഹി : രാജ്യത്തെ ആദ്യത്തെ ഒമിക്രോൺ മരണം രാജസ്ഥാനിൽ റിപ്പോർട്ട് ചെയ്തു ഉദയ്പൂർ സ്വദേശിയായ 73 കാരനാണ് ഒമിക്രോൺ ബാധിച്ച് മരണമടഞ്ഞത്. ഡിസംബർ 15 ന് കോവിഡ് ലക്ഷണങ്ങളോടെ അഡ്മിറ്റ് ചെയ്യപ്പെട്ട ഇയാൾക്ക്, തുടർന്ന് നടത്തിയ പരിശോധനയിൽ ഒമിക്രോൺ സ്ഥിരീകരിക്കുകയായിരുന്നു. ഡിസംബർ 21 ന് ഇയാൾക്ക് കോവിഡ് നെഗറ്റീവ് ആവുകയും ചെയ്‌തെങ്കിലും ആരോഗ്യനില പിന്നീട് വഷളാവുകയായിരുന്നു.
രോഗി ഡിസംബർ 31 ന് മരണമടഞ്ഞെങ്കിലും, ഒമിക്രോൺ ബാധിച്ചതാണ് മരണത്തിന് കാരണമെന്ന് ഇന്നാണ് അധികൃതർ സ്ഥിരീകരിച്ചത്. ഇയാൾ രണ്ട് ഡോസ് വാക്സിനും സ്വീകരിച്ചിരുന്നു. രാജ്യത്തെ ഒമിക്രോൺ കേസുകളുടെ എണ്ണം നിലവിൽ 2135 ആയി ഉയർന്നിട്ടുണ്ട്. മഹാരാഷ്ട്രയിൽ 653 പേർക്കാണ് ഒമിക്രോൺ കണ്ടെത്തിയത്. 464 കേസുമായി ഡൽഹിയും തൊട്ടുപിന്നിലുണ്ട്.
