May 11, 2021
May 11, 2021
ദോഹ : ശവ്വാല്‍ മാസപ്പിറവി ദൃശ്യമാകാത്ത സാഹചര്യത്തില്‍ ഗള്‍ഫ് രാജ്യങ്ങളിലും ചെറിയപെരുന്നാള്‍ വ്യാഴാഴ്ച ആഘോഷിക്കും. സഊദി അറേബ്യ, യുഎഇ, കുവൈത്ത്, ഖത്തര്‍ എന്നിവിടങ്ങളിലാണ് വ്യാഴാഴ്ച പെരുന്നാള്‍. ഇന്തോനേസ്യ, മലേസ്യ എന്നവിടങ്ങളിലും വ്യാഴാഴ്ച പെരുന്നാള്‍ ആഘോഷിക്കും.
സഈദിയില്‍ മാസപ്പിറവി നിരീക്ഷണ സമിതികളുടെ മേല്‍നോട്ടത്തില്‍ ഹോത്ത സുദൈര്‍, തുമൈര്‍ എന്നിവിടങ്ങളില്‍ മാസപ്പിറവിക്കായി പ്രത്യേക സജ്ജീകരങ്ങളായിരുന്നു ഒരുക്കിയിരുന്നത്. നേരത്തെ ശവ്വാല്‍ മാസപ്പിറവി നിരീക്ഷിക്കാന്‍ സഊദി സുപ്രീം കോടതി വിശ്വാസികളോട് ആഹ്വാനം ചെയ്തിരുന്നു.
ദുബൈയില്‍ ഈദുഗാഹുകളില്‍ പെരുന്നാള്‍ നിസ്കാരത്തിന് അനുമതി നല്‍കിയിട്ടുണ്ട്. കോവിഡ് മാനദണ്ഡങ്ങള്‍ കര്‍ശനമായി പാലിക്കണം. നിസ്കാരത്തിന് അരമണിക്കൂര്‍ മുമ്പ് മാത്രം പ്രവേശനം, നിസ്കാരം കഴിഞ്ഞാല്‍ ഉടന്‍ അടക്കണം, തിരക്കും സംഗമങ്ങളും പാടില്ല. മുസ്വല്ല വ്യക്തികള്‍ കൊണ്ടുവരണം തുടങ്ങിയ നിബന്ധനകളോടെയാണ് അനുമതി.
കേരളത്തിലും ഇത്തവണ വ്യാഴാഴ്ചയാണ് പെരുന്നാള്‍. മുപ്പത് ദിവസത്തെ വ്രതാനുഷ്ടാനം പൂര്‍ത്തിയാക്കിയാണ് വിശ്വാസികള്‍ ചെറിയപെരുന്നാളിനെ വരവേല്‍ക്കുന്നത്.
ന്യൂസ്‌റൂം വാർത്തകൾ വേഗത്തിൽ ലഭിക്കാൻ പ്ളേസ്റ്റോറിൽ നിന്നും ആപ് സ്റ്റോറിൽ നിന്നും newsroom connect ആപ് ഡൗൺലോഡ് ചെയ്യുക.
Playstore :https://play.google.com/store/apps/details?id=com.friggitello.newsroom_qatar_user
App Store: https://apps.apple.com/us/app/newsroom-connect/id1559335758
