October 04, 2021
October 04, 2021
ദോഹ : ഇഹ്തിറാസ് അപ്ലിക്കേഷൻ ഇനി ഏത് സിം കാർഡ് ഉപയോഗിച്ചും പ്രവർത്തിപ്പിക്കാം എന്ന് അധികൃതർ വ്യക്തമാക്കി. ഒക്ടോബർ ആറ് മുതലാവും ഈ പുതിയ സംവിധാനം നിലവിൽ വരിക. ഇതുവരെയും ഖത്തറിലെ ലോക്കൽ സിം കാർഡുകൾ മാത്രം ഉപയോഗിച്ചായിരുന്നു ഇഹ്തിറാസ് ആപ്പ് പ്രവർത്തിപ്പിക്കാൻ കഴിഞ്ഞിരുന്നത്.
ഖത്തറിൽ വന്നിറങ്ങുന്നതിന് മുൻപ് തന്നെ ഫോണിൽ ഇഹ്തിറാസ് ആപ്പ് പ്രവർത്തനസജ്ജം ആക്കി വെക്കണം എന്ന് അധികൃതർ യാത്രക്കാരോട് അഭ്യർത്ഥിച്ചു. സ്മാർട്ട്‌ ഫോൺ കയ്യിൽ ഇല്ലാതെയാണ് വിമാനത്താവളത്തിൽ എത്തുന്നത് എങ്കിൽ ഹമദ് വിമാനത്തിൽ തന്നെ ഫോണും സിമ്മും വാങ്ങാൻ സൗകര്യം ലഭ്യമാണ് എന്നും അധികൃതർ അറിയിച്ചു. ആൻഡ്രോയിഡ് 6, ഐഒഎസ് 13.5 മുതലുള്ള ഫോണുകളിൽ ആണ് ആപ്പ് ലഭ്യമാവുക. ബൂസ്റ്റർ ഡോസ് വാക്സിനേഷന്റെ വിവരങ്ങളും ആപ്പിൽ ഉൾപ്പെടുത്തിയിട്ടുണ്ട്. വിഐപി കാറ്റഗറിയിൽ ഉളള ആളുകൾക്ക് ആപ്പിന്റെ ആവശ്യമില്ല.
