August 17, 2022
August 17, 2022
അൻവർ പാലേരി
ദോഹ : നവംബറിൽ നടക്കാനിരിക്കുന്ന ഖത്തർ ഫിഫ ലോകകപ്പ് പ്രമാണിച്ച് ഹോട്ടൽ മുറികൾക്കും വിമാന ടിക്കറ്റുകൾക്കും ആവശ്യക്കാർ വർധിച്ചതിനെ തുടർന്ന് ഈ വർഷം ഡിസംബറിൽ നടക്കേണ്ടിയിരുന്ന ദുബായ് മാരത്തോൺ മാറ്റിവെച്ചു.ദുബായിലെ ഏറ്റവും മികച്ച കായിക മേളകളിലൊന്നാണ് 2023 ഫെബ്രുവരി 12 ഞായറാഴ്ചത്തേക്ക് മാറ്റിവെച്ചത്.ഫിഫ ലോകകപ്പ് വേളയിൽ ഹോട്ടൽ മുറികളുടെ പരിമിതമായ ലഭ്യത മനസിലാക്കിയാണ് തീരുമാനമെന്ന് 'ഖലീജ് ടൈംസ്' റിപ്പോർട്ട് ചെയ്തു.
കോവിഡ് -19 പാൻഡെമിക്കിന് ശേഷം ഇതാദ്യമായി സംഘടിപ്പിക്കുന്ന ദുബായ്മാ മാരത്തണിൽ നൂറിലധികം രാജ്യങ്ങളിൽ നിന്നുള്ള 30,000-ത്തിലധികം പേർ പങ്കെടുക്കുമെന്നാണ് പ്രതീക്ഷിക്കുന്നത്.
നവംബർ 20 മുതൽ ഡിസംബർ 18 വരെ ഖത്തറിൽ ലോകകപ്പ് നടക്കുന്നതിനാൽ, ആയിരക്കണക്കിന് ഫുട്ബോൾ ആരാധകർ ദുബായിൽ താമസിച്ചായിരിക്കും കളി കാണാനെത്തുക.ഇവർക്കായി ഗൾഫിലെ വിവിധ എയർലൈൻ കമ്പനികൾ മാച്ച് ഡേ ഷട്ടിൽ സർവീസുകൾ പ്രഖ്യാപിച്ചിട്ടുണ്ട്.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്‌സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക
