November 07, 2019
November 07, 2019
ദോഹ : പ്രമുഖ അമേരിക്കന്‍ കലാകാരനും ശില്‍പിയുമായ ബ്രയാന്‍ ഡോണലി രൂപകൽപന ചെയ്ത ഭീമൻ ശിൽപം 'ഹോളിഡേ' ദോഹ കോർണിഷിൽ പ്രദർശിപ്പിച്ചു. ഖത്തര്‍ മ്യൂസിയമാണ് ശിൽപം പ്രകാശനം ചെയ്തത്. കൗസ് (കെ.എ.ഡബ്ല്യു.എസ്) എന്നറിയപ്പെടുന്ന പ്രമുഖ അമേരിക്കന്‍ കലാകാരനും ശില്‍പിയുമായ ബ്രയാന്‍ ഡോണലിയുടെ പ്രശസ്ത ഭീമന്‍ രൂപം 'ഹോളിഡേ'യാണ് കോര്‍ണിഷില്‍ പ്രദർശിപ്പിച്ചത്. ദോഹ ഫയര്‍ സ്റ്റേഷനില്‍ ആരംഭിച്ച ബ്രയാന്‍ ഡോണലിയുടെ 'കൗസ്-ഹി ഈറ്റ്സ് എലോണ്‍' എന്ന പ്രദര്‍ശനത്തോടനുബന്ധിച്ചാണ് കോര്‍ണിഷിലെ പായ്ക്കപ്പല്‍ ഹാര്‍ബറില്‍ ഭീമന്‍ ശില്‍പം സ്ഥാപിച്ചത്. മിഡിലീസ്റ്റില്‍ ഇതാദ്യമായാണ് ഹോളിഡേ ശില്‍പം പ്രദര്‍ശനത്തിന് എത്തിയിരിക്കുന്നത്.ദക്ഷിണ കൊറിയയിലെ സോളിലും ജപ്പാനിലെ മൗണ്ട് ഫുജിയിലും പ്രദര്‍ശിപ്പിച്ച ശേഷമാണ് ഹോളിഡേ ബലൂണ്‍ ശില്‍പം ഖത്തറിലെത്തിയിരിക്കുന്നത്.
ഫയര്‍ സ്റ്റേഷനില്‍ തുടരുന്ന ബ്രയാണ്‍ ഡോണലിയുടെ പ്രദര്‍ശനം ജനുവരി 25 വരെ തുടരും.
