November 26, 2021
November 26, 2021
ദോഹ : ഫിഫ അറബ് കപ്പിനോട് അനുബന്ധിച്ചുള്ള പരിപാടികൾക്ക് വേദിയാവുന്നതിനാൽ ദോഹ കോർണിഷ് ഇന്ന് മുതൽ (നവംബർ 26) ഡിസംബർ 4 വരെ അടച്ചിടും. അടുത്ത വർഷം നടക്കാനിരിക്കുന്ന ഫുട്ബോൾ ലോകകപ്പിന് മുന്നോടിയായി കോർണിഷിനെ നവീകരിക്കാനും ഈ അടച്ചിടൽ കൊണ്ട് സാധിക്കുമെന്നാണ് അധികൃതർ കണക്കുകൂട്ടുന്നത്.
കാൽനട യാത്രക്കാർക്ക് അറബ് കപ്പ് അനുബന്ധ പരിപാടികൾ ആസ്വദിക്കാനായി പതിനൊന്നോളം ക്രോസിങ്ങുകൾ തയ്യാറാക്കിയിട്ടുണ്ട്. കടലിനോട് ചേർന്നുള്ള നടപ്പാത പൂർണമായും കാൽനടയാത്രക്കാർക്കായി വിട്ടുകൊടുക്കുമെന്നും അധികൃതർ അറിയിച്ചു. ടൂർണമെന്റിനോട് അനുബന്ധിച്ച് കോർണിഷിൽ ഒരുക്കുന്ന ഭഷ്യമേള വൈകീട്ട് 3 മണി മുതൽ ആരംഭിക്കും. ഓരോ ദിവസവും രാത്രി എട്ടുമണിക്ക്, 5 മിനിറ്റ് നീണ്ടുനിൽക്കുന്ന കരിമരുന്ന് പ്രയോഗവും കോർണിഷിന്റെ മാറ്റ് കൂട്ടും.
