July 06, 2021
July 06, 2021
അൻവർ പാലേരി
ദോഹ : ഖത്തറിലെ ഭവൻസ് സ്‌കൂൾ അധ്യാപകൻ കൊല്ലം കുണ്ടറ കരിക്കുഴി സ്വദേശി ജോണ് പോൾ (34) നാട്ടിൽ ബന്ധുവിന്റെ കുത്തേറ്റു മരിച്ചു. ബന്ധുവായ കുമ്പളം സ്വദേശി ആഷിഖാണ് ജോൺ പോളിനെ കുത്തിയത്.മദ്യപിച്ചെത്തിയ ആഷിഖ് മാതാവിനെ തല്ലുന്നത് കണ്ട് പിടിച്ചു മാറ്റുന്നതിനിടയിലാണ് ജോൺ പോളിന് കുത്തേറ്റത്. കുണ്ടറയിലെ സ്വകാര്യ ആശുപത്രിയിൽ എത്തിച്ചെങ്കിലും ജോൺ പോളിന്‍റെ ജീവൻ രക്ഷിക്കാനായില്ല. ആഷിഖിനെ കുണ്ടറ പൊലീസ് കസ്റ്റഡിയിൽ എടുത്തിട്ടുണ്ട്.
പ്രതി മദ്യലഹരിയിലാണ് ആക്രമണം നടത്തിയതെന്ന് പോലിസ് അറിയിച്ചു. മൃതദേഹം പാരിപ്പള്ളി മെഡിക്കല്‍ കോളജ് ആശുപത്രി മോര്‍ച്ചറിയിലേക്കുമാറ്റി.
ലിജിയാണ് മരിച്ച ജോണ്‍പോളിന്റെ ഭാര്യ. പ്രിന്‍സ് (2) മകനാണ്.
2012 മുതൽ ഭവൻസ് സ്‌കൂളിൽ അധ്യാപകനായിരുന്ന ജോൺ പോൾ മിഡ്മാകിലെ ഭവൻസ് സ്‌കൂളിൽ ഇംഗ്ലീഷ് അധ്യാപകനായിരുന്നു.കഴിഞ്ഞ ഡിസംബറിൽ നാട്ടിൽ പോയി തിരിച്ചെത്തിയ അദ്ദേഹം ജൂൺ 24നാണ് വീണ്ടും നാട്ടിലേക്ക് പോയത്.പൊതുവെ ശാന്തശീലനായ ജോൺപോൾ മികച്ച ഇംഗ്ലീഷ് അധ്യാപനയാണ് സഹപ്രവർത്തകർക്കും കുട്ടികൾക്കുമിടയിൽ അറിയപ്പെട്ടിരുന്നത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ ഈ ലിങ്കിൽ ക്ലിക്ക് ചെയ്യുക
